ဟင်္သာ

ပြိုင်တူတော့  တိုးကတ်ယင့်။
တယောက်က လီဗာနင်းဂေ
တယောက်က ဘရိတ်နင်းနီရေ။

ဖက်တော့ဖက်ထားဂတ်ယင့်။
ကော်နာစောင့်နီရေ  ဘောလုံးသမား နှစ်ယောက်
တယောက်ကို တယောက် ဖက်ထားပိုင်ချောင်။


“နိုင်ငံရေးလုပ်တေဆိုစော်
ရန်သူကို မိတ်ဆွေဖြစ်အောင်လုပစော်" လို.ပြောရေဂါ..
အဂုက  မိတ်ဆွေတိဂျေးယာ ရန်သူ ဖြစ်ဖြစ်လခရေ။

မေးခွန်းတတောင့်နဲ့ ပစ်လိုက်တိုင်း
ငှက်နှစ်ကောင် သူရို. ရလားရေ။
ဖဲတချပ် ဆွဲထုတ်လိုက်တိုင်း
ပန်းနှစ်ပွင့် ကြွီကြွီဗျယ်ကျရေ

ယေဇုနာင့်…
သွီးထားစော် ဓားတိ သံချီးတက်မလားလီအောင်
ကိုယ့်လက်ကိုယ်ပြန် ခွတ်ကတ်မေဖိ။



မူရင်း ကဗျာဆရာ ကောင်းကင်ကိုပါ။  ခံစားချက်နဲ. တိုက်ဆိုင်လို. ဘာသာပြန်လိုက်စော်  ဖြစ်ပါရေ။  ရခိုင်သားတိကို  တတည့်ကြည့်ပနာ ပြောနီလားမှတ်ရရေ။ မူရင်းကဗျာက ဗမာပိုင်ပါ။  အေမှာဖတ်လို.ပါရေ။
http://kokaungkinko.blogspot.com/2010/07/blog-post_20.html#comments

အစားအသောက် တိ မတင်စော်ကြာဗျယ်ဖြစ်လို.  အယင်က ရိုက်ပြီးကေ မတင်ဖြစ်စော် ပုံချေတိ စုပြီးကေ ပြန်တင်ပီးလိုက်ပါမေ။

အမဲအူငရုတ်ချက်

ငရုတ်သီး စပ်စပ် ချဉ်ပပေါက်နဲ. အရီးမ လက်ရာပါ။ ချက်နည်းကို ပြန်လို.သင်လိုက်အုံးမေ။

မြောက်ညွန်.ဟင်းရည်သောက်

ရှားရှားပါးပါး မြောက်ညွန်.ကို အိမ်နားက ဈီးချေမှာ လားတို.တွိခီလို. အားရဝမ်းသာ ဝယ်ရပါရေ။ မြတ်ရှင်လာဖို.လို. ဟင်းချက်ဖို.ပျင်နီစော် နိက။ ချဉ်ဟင်းလေ့ မချက်ချင်။ သရက်သီးငပိထောင်းထားဗျယ်။ အချဉ်ပါဗျယ်။ ယဂေ မြောက်ညွန်.ချေက်ို ငပိစကေချေနဲ. အချိုချက်ဖို.စိတ်ကူးဗျယ် အချိုချက်ပလိုက်ပါယင့်။ မေမေစီယင်းပိုင်ချက်တေ။ အချဉ်ချက်ကေ မြောက်ညွန်.ချိုစော်ကို မသိလိုက်ပျယ်လတ်။ ပုဇွန်ခြောက်တစ်ကောင်နှစ်ကောင်ထည့်ရေ။ ပုဇွန်စိမ်း ၂ကောင်ကို အမြှိုးရအောင် ပိုင်းလို.ထည့်ေ၇။ ကြက်သွန်ဖြူစကေ ချေပါထောင်းလို.ထည့်ရေ။ ဟင်းရည်ယင်လို. ဆူရေအခါမှ မြောက်ညွန်.ကိုထည့်ရေ။ ငရုတ်သီးစ်ိမ်း ၂ ပိုင်းချိုးလို.ထည့်ရေ။ ၅ မိနစ် လောက်ရာ ထည့်ရရေ။ ကျက်ပါဗျယ်။ ချို က ချိုနဲ.။ မြတ်ရှင်တောင်က နည်းယူလားသိရေ။း)





ဒေါင်းပြောက်

ဒေါင်းပြောက်အိုးကပ်ချေ ချက်ပြီးကေ အိမ်က ထည့်ပီးထားစော်ပါ။ ကိုယ်ကတော့ ချက်ဖို.မတတ်သိ ငါးအိုးကပ်ချေကို။ ချက်ကြည့်ရဖို.သိ တစ်ရက်။


ဂဏန်းအနွှေးချက်

ယင်းချင့်လေ့ အိမ်ကပို.စော်ဗျယ် ။ လတိုင်း ဂဏန်း ပို.ပီးပါရေ။ အေမှာ ဈီးကြီးက မရှိ ဝယ်လို. မစားနိုင်။း(



ငရုတ်သီးထောင်းနဲ. တို.စရာ

မပါမဖြစ်။ သရက်သီးထောင်းထားရေ။ တို.စရာက ခရမ်းသီးပြုတ်နဲ. သခွားသီးကြွပ်ကြွပ်ချေတိ။း)

အင်း စားပလိုက်စော် ၁ ယောက်သုံးလောင်ဗွန်းစီ ကျမနားယေ။ ရွီးယင်းနဲ.တောင် ဝမ်းဆာလခရေ။ အရာတစ်ခေါက်ထမင်းပေါင်းစားဖို. မြတ်ရှင်ကိုခေါ်ရဖို.။

နောက်တရက်ပိတ်ခါမှ ထမင်းပေါင်းချက်စားလီဖို.ဗျယ်။ အမဲသား အရွတ်တိကို အားရပါးရ ငရုတ်သီး စစပ်နဲ. ရခိုင်ချက်ချက်မေ။ မေမေပက နည်းတောင်းထားဗျယ်။ ဟင်းအရံကတော့ ယင်းနိ ရှာလို.၇သမျှဗျယ်မနားယေ။ ကြိုတင်လို. လက်တို.ထားမေဂါး မြတ်ရှင်ရို. ဇံဇံရို. ခင်ဥမ္မာထွန်းရို. ကျော်ဖြိုးဝေရို.ကို လက်တို.ထားမေ ဒေဂါး။

စားနိုင်ကေ ကိုယ့်ဖို.
ခိုင်ဝေဇံ

သူငယ်ချင်းတစ်ယောက်က သတင်းလာပီးပါရေ။  အကျွန်ရွီးထားရေ  ရခိုင်သားမယားတရာ ရစီဖို. ဆိုစော် ပို.စ်ကို အေအမ်ပီမှာ လူတစ်ယောက် က တင်ထားပါရေ သူရွီးပိုင်ဗျယ် လတ်။ ရွီးရေလူနာမည်ကိုလေ့ မဖော်ပြထားပါလတ်။ 

အကျွန်.သူငယ်ချင်း အကောင့်နန်. အေအမ်ပီ ကို ဝင်လို. ကြည့်ခီမှာ ဂွင်တိုက်တွိပါရေ။ http://thearakanesemeetingpoint.com/forum/topics/2206333:Topic:786512  အေလင့်ခ်မှာ ဖတ်ကြည့်လို.ရပါရေ အကောင့်ရှိဂေ။  စာပုဒ်ပြတ် ကော်ပီ ပေ့စ် လုပ်ထားစော် ဖြစ်ပြီးကေ ကိုယ်မရွီးကြောင်းလေ့ မဖော်ပြထားရေအတွက်နဲ. မသိရေလူတိ အတွက်ကတော့ သူရွီးရေလို.ထင်ပါဖို.။  အေစာပုဒ် ကောင်းဒဏ်ကိုလေ့ သူခံရပါဖို. ဆိုးဒဏ်ကိုလေ့ သူခံရပါဖို.။ အောက်မှာ လထားကရား ဝင်ဆွေးနွေးထားစော်ကို ဖတ်ကြည့်ပြီးကေ အကျွန် နားလည်လိုက်စော်က အေလူတိစော် ငါဆိုလိုချင်ရေ အဓိပါယ် ကို အဂုထိ သဘောမပေါက်နိုင်ကတ်သိ မနားယေ ဆိုစော်ကိုပါ။

အကျွန် အေစာပုဒ်ကို ရွီးဖြစ်ခရေ အကြောင်းကို တစ်စိချေ ပြောပြပါမေ။ အကျွန် အေအမ်ပီမှာ Active မမ်ဘာ တစ်ယောက် ဖြစ်ခခါ မယားတစ်ရာ စော် အကျွန် ပထမ ရွီးခရေ ပို.စ်ပါ။  အကြောင်း ကတော့ ယင်းတလော က Discussion Forum မှာ ရခိုင်သားတိ မယား ၃ ယောက် ယူသင့် မယူသင့် ဆိုပြီးကေ ဆွေးနွေးနီကတ်ပါရေ။ အကျွန်ရို. မမချေတိ ကောင်းအမြင်ကတ်ကတ်ပါရေ။ လက်တွိမှာ တစ်ယောက်တောင်မှ မရလို.မှိုင်နီရရေလူတိက သုံးယောက်ယူဖို.လေး ဘာလေးနဲ.။ ရခိုင်သမတိ ဇာဖြစ်လို. ဗမာနောက်စီပါလခလေ။ ရခိုင်သားတိ စကားမချို ယက်မချို၊ အပြောမတတ် အဆိုမတတ်နန်. အရက်ချေကလေ့ သောက်သိရေ။ မမချေတိပိုင် ရန်ကလေ့ လိုကတ်သိရေ။ ကောင်းရလိမ့်မေ မယားသုံးယောက် ဆိုပြီးကေ ရခိုင်သား မယားတရာ ဆိုရေနာမည် နဲ. အကျွန် သရော်စာ သဘောမျိုးနဲ. ရွီးခစော်ပါ။  ဇာလောက်ပင်ဆိုးဆိုး ကောင်းရေ အချက်ချေတိလေ့ ရှိပါသိရေလေဆိုပြီးကေ ရိုးသားရေ ကြိုးစားရေ ဆိုစော်တိကို ပါထပ်လို. ရွီးဖြစ်ခပါသိရေ။ စာပုဒ် ကို ဖတ်ကြည့်ကေ သိသာပါရေ. ပြင်ဖို. အများကြီးလိုသိရေ။ အေအချက်ကို ပြင်ဆင်ကေတော့ မယား ၃ ယောက်မပြောကေ့ မယားတစ်ရာ တောင်မှ ရပါဖို.ထောလို. အတိသယဝုတ္တိ အလင်္ကာနဲ. ရွီးလိုက်စော်ပါ။  ယင်းချင့်ကို စာပိုဒ်ဧ။် ဆိုလိုရင်းကို သဘောမပေါက်နိုင် ခေါင်းစိုင် ကြည့်ပြီးကေ ဝေဖန်နီကတ်တေ လူတိဧ။် Level of Intelligence ကို အကျွန် သံသယ ဖြစ်မိပါရေ။

အေအမ်ပီက ထွက်စော် ၂ နှစ်လောက် ရှိလားပါဗျယ်။ ယဂေလေ့ အကျွန်.အယူအဆတိစော် မပြောင်းပါသိ။ ယင်းပို.စ်က အတိုင်းပါသိ။  အကျွန်အေအမ်ပီကထွက်ပြီးရေနောက်ပိုင်း ကွန်ပျူတာ ပျက်လားရေ အတွက်နဲ. ယင်းစာပိုဒ်တိ ကို အားလုံး ဆုံးရှုံးလားပါရေ။ အဂုတော့ အဂုပိုင် ပြန်ပေါ်လာစော်ကို ကျေးဇူးတင်ရဖို.ပိုင် ဖြစ်နီဗျယ်။ အကျွန်.ပို.စ်ကို ဖျက်ပီးဖို. အေအမ်ပီ အက်ဒမင် ကိုတောင်းဆိုချင်ပါရေ။ အကျွန်ရွီးရေ ဘလော့ ကိုကောင်းရေလို.ထင်လို. တင်ပီးရေ လို.ယုံပါရေ။ ယဂေလေ့ သင့် တင်ရေလူစော် ယင်းပို.စ်ဖက် က ဇာလောက် ခုခံပြောဆိုနိုင်ပါဖို.လေး။ အကျွန်ရွီးရေ စာဖက်က အကျွန်ရပ်တည်ရပါဖို.။ ကာကွယ်ရပါဖို.။ ကိုယ်မှားရေ လို.ထင်ကေလေ့ ဝန်ခံနိုင်ရပါဖို.။ ဆွေးနွေးနိုင်ရပါဖို.။ အကျွန် အေအမ်ပီမှာ မမ်ဘာမဟုတ်တေ အတွက်နဲ. လိုရင်းကိုမမြင် ကရိုက်ကထိုက်ပီးထားရေကွန်မန်.တိ အတွက် အကျွန် ပြန်ပြီးကေ မပြောနိုင်ပါ။ ယင်းတွက်နဲ. ဖယ်လိုက်စော် ကောင်းပါဖို.။  မူရင်းပို.စ်ကို အောက်မှာ ပြန်ပီးကေ တင်ပီးလိုက်ပါရေ ( ဂုဏ်ယူစွာဖြင့်)  သတင်းပီးလာရေ သူငယ်ချင်းကို ကျေးဇူးတင်ပါရေ။

ရခိုင်သားတိ မယား ၁၀၀ ရစီဖို့????

AMP က discussion တိမှာ
ရခိုင်သားတိ မယားသုံးယောက် ယူသင့်မယူသင့် ဆွေးနွေးနီကတ်စွာကို အမြဲတမ်း
မြင်နီရပါရေ။ မယားသုံးယောက်ရဖို့ထားလို့ တယောက်တောင်ရှာလို့မရရေလူတိ
အများကြီး။ တချို့ကလည်း ရခိုင်သမတိ ရခိုင်သားကို မကြိုက်စွာ
ဇာဖြစ်လို့လဲဆိုပြီးကေ မီးနီကတ်တေ။ သေချာစွာကတော့ခါ ရခိုင်သမတိုင်း
တတ်နိုင်ကေ ရခိုင်သားကိုပဲ ယူချင်ရေဆိုစွာပါ။ ယေကေလည်း ဇာဖြစ်လို့ တချို.က
လူမျိုးခြားတိနောက်ကို လိုက်လားခရရေလဲ။ တချို.ကလည်း အဖြေမရှာပဲနန့်
မမချေတိကိုပဲ အပြစ်ပုံချကတ်တေ။ လူတိုင်းမှာကိုယ့်အားနည်း၊ အားသာချက်တိ
ကိုယ်စီဟိကတ်တေ။ အခု ရွီးပြချင်စွာကတော့ ရခိုင်သားအများစုမှာ Common ဖြစ်တေ
အားသာချက်၊ အားနည်းချက်တိနန့် မမချေတိရွီးချယ်ရေအခါ ဇာအချက်တိကို
ထည့်စဉ်းစားရေလဲဆိုစွာ အချက်အလက်တိပါ။

အားနည်းချက် (ကိုယ့်စိတ်ထင်) တိကို အယင်ပြောပြပါမေ။ တိုက်ဆိုင်မှုဟိကေ ခွင့်လွှတ်ကတ်ပါ။

၁။ ရခိုင်သားတိစွာ အနည်းနန့်အများ ဘဝင်မြင့်ပါရေ။

ရခိုင်ဆိုပြီးကေ အမျိုးမာန်တက်စွာထက် တချို.ကလွန်ကဲပြီးကေ
ဘဝင်ကိုင်ရေအဆင့်ကိုရောက်လားခရေခါ မမချေတိကို ဖွင့်မပြောဖြစ်ပဲနန့်
ဝါးလုံးခေါင်းထဲမှာပဲ လပပြီးကေ အခါလွန်မိုးဖြစ်လားခစွာများပါရေ။ အချေခါကပင်
gender ကို ကောင်းကောင်းအလေးပီးပြီးကေ ခွဲခြားထားကတ်စွာလည်းး ပါပါဖို့။
ကိုယ့် ရခိုင်ပြည်မှာက မမချေတယောက်မှာ ကလေချေသူငယ်ချင်း (၃၊ ၄) ယောက်ဟိကေ
ယှုပ်တေဆိုပြီးကေ အပြောခံရရေ။ ယင်းချင့်တိက တကယ်တမ်း relationship တခုအတွက်
approach လုပ်တေအခါ smooth ဖြစ်အောင်မပြောတတ် မဆိုတတ်ဖြစ်စီရေလို့ ထင်ပါရေ။
ငြင်းလိုက်ဖို့စွာကို ကြောက်လို့လည်း ဟိပါဖို.။

၂။ ရခိုင်သားတိစွာ စိတ်ထဲမှာ ဟိစွာခံစားချက်ကို ဖွင့်မပြောတတ်။

ရည်းစားကိုချစ်လို့ တပိုင်းသီဖို့ပျာယ်။ ယေကေလည်း ပါးစက သူငယ်ချင်းတိကိုပြောကေ မိုးလားကဲလား၊
အားနာလို့ လက်ခံထားရရေဆိုရေ ပုံစံမျိုး အသံကောင်းဟစ်တတ်တေ။ အထူးသဖြင့်
ယောက်ျားအချင်းချင်းကြားမှာ မယားနိုင် ကောင်းကောင်းဖြစ်ချင်ကတ်တေ။
ချစ်ကေလည်း ချစ်တေလို့မပြော။ ယင်းအပိုင်းမှာက ကိုယ့်စိတ်မှာ (၁) ဆချစ်ကေ
(၁၀) ဆချစ်တေလို့ပြောတတ်တေ မြန်မာတိနှင့် အမှတ်ကွာလားပါပျာယ်။ မမချေဆိုစွာက
ယင်းပိုင်ပြောမှ သဘောကျရေ။ ယူပြီးခါ ဖျာပိုင်ခင်းပြီးနင်းထား နင်းထား၊
မရခင်ကတော့ ထိပ်မှာတင်ထားမှ။ အဓိကက ပြောဆိုဆက်ဆံရေးမှာ
ကောင်းကောင်းလိုသိမ့်ရေ ဆိုစွာပါ။

၃။ တော်တော်များများ ရခိုင်သားတိစွာ သိက္ခာဟိဟိ မရူးဝံ့ကတ်။

ကိုယ်ယှုံးကေ၊ ငြင်းခံရကေ ခါးခါးသီးသီးတုန့်ပြန်ရေ။ အငြင်းပယ်ခံနိုင်ရေသတ္တိမဟိ။
တဖက်သားကိုအပြစ်ပုံချပြီးကေ ကိုယ့်အပြစ်ကို ဝန်မခံတတ်။ စွပ်စွဲစွာ
ပြင်းထန်ချင်ကေလည်း ပြင်းထန်လီပါဖို့။ လူတိုင်းမဟုတ်ကေလည်း
တော်တော်များများမှာ တွိရလို့ စိတ်မကောင်းပါ။ အထူးသဖြင့်
ရည်းစားစကားပြောလို့ မမချေဖက်က လက်မခံနိုင်လို့ငြင်းလိုက်ကေ
သပုတ်လီလွှတ်ပြောစွာကို အမြဲတမ်းတွိရရေ။

၎။ တော်တော်များများ ရခိုင်သားတိစွာ gentleman ဆိုစွာဇာလဲဆိုစွာ နားမလည်။

အပြစ်ဆိုဖို့တော့ နည်းနည်းခက်ပါရေ။ ရခိုင်စွာ male dominant ဖြစ်တေ society တခုပါ။
ထမင်းစားတိုင်း လင်ကို အယင်ဦးချရရေနီရာက လာလူတိဆိုခါ
အနောက်တိုင်းကိုရောက်လာရေအခါမှာ lady first ဆိုပြီးကေ ထမင်းဝိုင်းမှာ
မမချေကို အယင်ဦးစားပီးထည့်ပီးရေ စနစ်နန့် မရင်းနှီစွာ အဆန်းတော့ မဟုတ်ပါ။
ယေကေလည်း အခု oversea ကိုရောက်နီရေလူတိကတော့ သိသင့်ရေလို့ ထင်ပါရေ။ မမတိက
အားမနာလုပ်လို့ရရေလို့ ပြောစွာမဟုတ်ပါ။ နှစ်ဦးနှစ်ဘက် respect ဟိရဖို့လို့
ဆိုလိုစွာပါ။ Gender Discrimination တိကို လျှော့ဖို့လိုပါပျာယ်။

၅။ ရခိုင်သားတိစွာ အမြင်ကျဉ်းမြောင်းရေ။

ဟုတ်ပါယင့်။ အဆဲခံလိုက်ပါအုံးမယ်။ တချို.ရခိုင်သားတိက ပြောပါရေ။ ရခိုင်သမတိဖော်စွာကို
ကြည့်လို့မရလတ်။ ယင်းချင့်ကိုတော့ နားမလည်။ ကိုယ့်အရပ်နန့်
ကိုယ့်ဇာတ်ဆိုစွာ ဟိပါရေ။ ကိုယ်နီရေ နီရာဒေသနန့် လိုက်လျောညီထွေဖြစ်ဖို့
အရေးကြီးပါရေ။ စစ်တွေမြို့ကိုလားပြီးကေ မီနီစကပ်နန့် ဗန်းပြနီလို့ကတော့
ဇာဖြစ်ပါဖို့လဲ။ ကမ်းခြီမှာ ဘီက်ီနီဝတ်စွာ အဆန်းမဟုတ်။ ရခိုင်သမ
ဖော်စွာမကြည့်ဝံ့ကေ မျက်စိရာမှိတ်ထားကတ်ပါဖိ။ အတိုအကပ် (နိုင်ငံခြားမှာ)
ဝတ်တိုင်း ပျက်စီးနီရေလို့ထင်နီစွာကတော့ ကောင်းကောင်းရယ်ရစွာ အယူအဆပါရာ။
လူတယောက်၏စိတ်ဓါတ်နန့် အကျင့်စာရိတ္တကို ဝတ်ထားရေ အဝတ်အစားနန့်
ဆုံးဖြတ်တေဆိုကေတော့ သဘောပါ။

၆။ ရခိုင်သားတိစော် စိတ်မရှည်၊ ခွင့်လွှတ်သည်းခံစိတ်နည်းပါရေ။

စလို့လိုက်တေ ဆိုခါကပင် ကြုံလိုက်တိများရေ။ တနားချေလိုက်လို့မရကေ နောက်တယောက်ကို
ချက်ချင်းပြောင်းတတ်တေ။ ကုသ ပပဝတီကိုရစွာ ကုသက ဖုရားလောင်းဖြစ်လို့
မဟုတ်ပါ။ ဇွဲဟိလို့။ ယင်းပိုင်ဇွဲမဟိကတ်ပါ။ ရည်းစားဖြစ်ကေလည်းသင့် ကိုယ်ရာ
တလုံးချိုင့် ဖြစ်ချင်ဖြစ်ဖို့၊ မမချေကို ငါးဆင့်ချိုင့်လောက်နန့် perfect
ဖြစ်ဖို့ မျှော်လင့်ကတ်တေ။ အမှားတခုလုပ်မိကေ ခွင့်မလွှတ်တတ်။ အားလုံးတော့
မဟုတ်ကေလည်း ရခိုင်သမတိုင်းလိုလိုပါးက ပြန်ကြားရစွာ စကားပါ။

တခြားအချက်တိကိုတော့ minor လို့ထင်ပါရေ။ relationship တခုတည်ဆောက်တေနီရာမှာ
အခုအားနည်းချက်တိကိုကြည့်လိုက်ကေ အားလုံး အပြောအဆို၊
အမူအကျင့်နန့်သက်ဆိုက်နီစွာကို တွိပါဖို့။ ရခိုင်သားတိ အရက်သောက်လို့
မယားမရဆိုစွာကို လက်မခံပါ။ ရခိုင်သားတိက အရက်သမားဖြစ်ရစွာ
ဂုဏ်ယူနီကတ်စွာကိုတော့ တွိပါရေ။ ထားလိုက်ပါဖိ ယင်းချင့်ကို။
ကောင်းရေအချက်တခုက ရခိုင်သားတိစွာ သစ္စာဟိရေလို့ ထင်ပါရေ။ မပြောတတ်
မဆိုတတ်ဆိုစွာက opposite gender နန့်တွိကေ ပြောစွာပါ။ လူကြီးသူမကိုတော့
အားလုံးသူသိတတ်ကတ်တေ။ ဖြောင့်ဖြောင့်မှန်မှန်ဟိရေ။ အားနာတတ်တေ။
စိတ်ရင်းကောင်ပြီးသားပါ။ အပြောမတတ်စွာ၊ Manner မဟိစွာချေတခုကို
ပျင်လိုက်ကေတော့ခါ မယားသုံးယောက်ကပြောကဲ့ အယောက် (၁၀၀)
လောက်ရဖို့သေချာပါယင့်။ ကိုယ့်ကို ဝယ်နိုးဝယ်နိုးစောင့်နီကေတော့ မပြောတတ်။

ခိုင်ဝေဇံ (မုန်းဇာတုံး)

ဓညဝတီ နာမည်နဲ. ရခိုင်ဆိုင်တစ်ဆိုင် စီးတီးဟောမှာ ဖွင့်လိုက်ပါဗျယ်။

အေနိခါ ရောက်ခီပါရေ။ ဆိုင်ရှင် ဆက်ဆံရေးကောင်းလို. ဝမ်းသာပါရေ။ အကျွန.်အရုပ် ကိုမြင်စော်နဲ. ရခိုင်သမမှန်း တန်းသိရေ ။မည်းလို.တုံးလို. ဖြစ်လို.လားမသိ။ ဆိုင်က ထင်ထားပိုင် စားသောက်ဆိုင် မဟုတ်ပါ။ ကုန်စုံဆ်ိုင်နဲ. ငွေလွှဲ အဓိက လုပ်တေဆိုင်ပါ။ ယဂေလေ့ ဂုံးသုပ်၊ ကျောက်ပွင့်သုပ်၊ ငနီတူခြောက်သုပ်နဲ. ရခိုင်မုန်.တီရရေလို.ပြောပါရေ။ ရခိုင်မုန်.တီက စနီ၊ တနင်းဂနွီမှ ရပါရေလတ်။ မြည်းကြည့်ချင်လို. ဂုံးသုပ်တစ်ပွဲမှာစားခပါရေ။ စစပ်ချေလို. ပြောလိုက်ပြီးကေ မျက်ခုံးတိ ခလှုပ်လှုပ်ချေတွိလခပါရေ။ ရခိုင်သမ လက်ရာ စစပ်ချေဆိုဆိုစော် လျှာတိုပါလီအောင် စပ်ဖို.လားမသိ ဆိုပြီးကေ။  သုပ်ပီးလိုက်စော် က စားလို.ကောင်းပါရေ။ ရခိုင်သုပ်ပါ။ ဟုတ်ပါယင့် သေချာပါရေ။ ငရုတ်သီး၊ ကြက်သွန်ဖြူ၊ ငပိ စကေချေနဲ. ထောင်းပြီးကေ ဆား အချိုမှုန်.အတန်နဲ.  သံပရာသီးအားရပါးရ ဆမ်းလို. သုပ်စော်ပါ။ တစ်ပွဲကို ၃ ကျပ်ပီးရပါရေ။  ကြက်သွန်က တော့ မနည်းမဟုတ်များပါရေ။ ဂုံးတိအားလုံးကို ကုန်အောင်စားပြီးကေ  ကြက်သွန်တိကို မစားနိုင်ရေအတွက် ယင်းအတိုင်းထားခရပါရေ။ ကြက်သွန်လျှော့ပြီးကေ နံနံပင်ချေပိုထည့်ပီးကေ ကောင်းဝမ်းသာပါဖို.ထော။ ၇ခိုင်မုန်.တီကို မြည်းကြည့်ချင်ပါယင့်။ စနီနိ လားဖို.လို.စိတ်ကူးပါရေ။း) နိခင်းဖက်အားကေ။ 

ဓညဝတီဆိုင်အရှိတတည့်မှာ သူငယ်ချင်းဆိုင်ရှိရေဆိုခါ ယင်းဆိုင်မှာ ထိုင်ပြီးကေ လှမ်းလို. ဓါတ်ပုံရိုက်ယူခပါရေ။ စင်္ကာပူ ပထမဆုံး ရခိုင်ဆိုင်ဖွင့်စော်ဖြစ်တေ အတွက်နဲ. စီးတီးဟောမှာ ဆိုင်ဖွင့်ထားရေ သူငယ်ချင်း တရုတ်၊ ကုလား၊ မွန်၊ ဗမာ၊ ရှမ်း၊ ကရင် တိကို အနည်းဆုံးပြလို.ရပါဗျယ်။ ကိုယ့်ဆိုင်မဟုတ်တောင်မှ ထော င၇ို. ရခိုင်ဆိုင်လေ့ ရှိယင့်လို.။ ရခိုင်သားအားလုံး လားလို. အားပီးခီဖို. မမိပါကေ့။ ဓါတ်ပုံထည့်ပီးလိုက်ပါယင့်။


ခိုင်ဝေဇံ

အေပို.စ်ကို ရွီးဖို.လို.မှန်းနီစော် ကြာဗျယ်။ စာမလုပ်ဖြစ်သိခါ တွက်စရာ ချက်စရာချေတိ မလုပ်နိုင်သိလို.မရွီးဖြစ်။ 

အဂု အကျွန်တွက်ပြချင်စော်ကတော့ခါ နိုင်ငံခြားမှာ အလုပ်လုပ်ရုန်းကန်နီရရေ ရခိုင်သမ တစ်ယောက်အနီနဲ. သင့်တော်ရေ ရခိုင်သားတစ်ယောက်တွိဖို. ဇာလောက်ခက်ခဲလေဆိုစော်ကို ပြချင်လို.ပါ။

ရခိုင်သမချေတိ အလုပ်ထွက်လုပ်တေဆိုခါကပင် ဖြစ်ကတတ်ဆန်း ပညာမတတ် စာမတတ် ထွက်လာရေလူရှားပါရေ။ ဘွဲ.ရပညာတတ်ပြီးကေ လခသင့်တင့်ရေ အလုပ်နဲ. အိနြေ္ဒရရ အလုပ်လုပ်နီကတ်စော်များပါရေ။ မဟုတ်ကေလေ့ နာစ့်အကူ အနိမ့်ဆုံး ထားပြီးကေ တဖြည်းဖြည်းနဲ. တက်လမ်းရှာနီကတ်စော် မမချေတိ အများကြီးရှိပါရေ။ အကျွန်ရို.မမချေတိ မှာ အကျင့်တစ်ခုက ကိုယ့်ထက် ပညာရေးမှာသာရေ လူကိုပဲ အထင်ကြီးပြီးကေ ယူချင်စိတ်ရှိရေ။ အကျွန်လေ့ ယင်းပိုင်။ တခြားမမချေတိလေ့ ယင်းပိုင်ရှိဖို.လို.ထင်ရေ။ ကိုယ့်ထက်မသာကေတောင် တန်းတူရှိရဖို.။ ယင်းချင့်စော် ရခိုင်သမတိ သွီးကြီးစော်မဟုတ်။ ကမ္ဘာပြတ်သား မမတိယင်းပိုင်ရှိဖို.။ ယောက်ျားချေတိကလေ့ ကိုယ့်ထက် ပညာရေးအရသာရေ မမချေတိကို ဆိုကေ မလိုတတ်ကတ်ပါ။ အဓိက က ယောက်ျားမာနကို ထိခိုက်တေ ထင်ပါရေ။ မမချေတိကတော့ ပညာနဲ.ဥစ္စာ နှစ်ခုကို အဓိက ထားတတ်တေ။ ရုပ်ရည်က နောက်ဆုံးကပါ။ ယင်းချင့်လေ့ လူ.သဘာဝ။

ဆိုရေခါ ဘွဲ.ရ ပညာတတ် အေမှာ အလုပ်လုပ်နီရေ မမချေတယောက်ဆိုလိုက်ပါဖိ။ ရခိုင်သားကိုပဲ ယူဖို.လို. စိုင်းစားထားရေ မမချေတစ်ယောက်အတွက်  ရခိုင်သား ကကောင်းမမွန်ချေ တစ်ယောက်ကို ရဖို. အခွင့်အရေးကို တွက်ကြည့်ကတ်ပါမေ။

ဥပမာ - စင်္ကာပူ
စင်္ကာပူကိုလာရေ ရခိုင်သား ၁၀၀၀မှာ ၆၀၀ စော် အလုပ်ကြမ်းနဲ.လာရစော်များပါရေ။ အေချင့်ကို ပြောလို. နှိမ်စော်မဟုတ်ပါနန်း။ အကျွန်.သူငယ်ချင်းတိထဲမှာ ယယိုင်ကျကျေး သသိပ်ပပိတ်နဲ. သင်္ဘောကျင်းမှာလုပ်ပြီးကေ အိမ်ကမိဘကို အကျွန်ရို.ထက်အဆ ဖေ့သာပို.လို. ရန်ကုန်မှာ အိမ်ဝယ်ထားစော်လူတိ မကန်ပါ။ တချို.က ဘွဲ.ရဖြစ်ယင့်ပင် အဆင်မသင့်လို. အကြောင်းအမျိုးမျိုးကြောင့် သင်္ဘောကျင်းမှာ Construction တိမှာ လုပ်နီရစော်လူတိ အပုံရှိပါရေ။ ယင်းလူတိကို အုပ်စု (A) လို. သခေါ်လိုက်ပါမေ။ နောက်ထပ် ၂၀၀လောက်က တစ်ဆင့်တက်ပြီးကေ စက်ရုံမှာ စူပါဗိုက်ဆာ အဆင့်၊ Construction မှာ ဖိုမန် အဆင့်တိ နဲ.လုပ်နီဂတ်တေလူတိ ရှိပါရေ။ သူရို.လခကို အထင်မသေးပါကေ့။ လုပ်သက်နဲ. ရထားရေလူတိဖြစ်တေအတွက် ကိုယ့်ထက် လခ အများကြီးကောင်းပါရေ။ အုပ်စု (B) လို.ထားလိုက်ပါမေ။ နောက်ထပ် ၁၅၀ လောက်က အင်ဂျင်နီယာရို.  အိုင်တီရို. အကောင့်တန်.ရို. အော်တိုကဒ်ရို.နဲ. အလုပ်လုပ်စော်လူတိ ရှိပါဖို.။ အုပ်စု (C)ထဲမှာထည့်လိုက်ပါမေ။ နောက်ထပ်၅၀ ကို (သေချာပါရေ ၅၀မပြည့်ပါ) ကျောင်းသား သို. အေက ဘွဲ.ရပြီးကေ အလုပ်လုပ်နီရေလူတိထဲမှာ ထည့်လိုက်ပါမေ။ အေချင့်ကတော့ အုပ်စု (D) ယင်းပိုင်ဆိုကေ လူတစ်ထောင်ထဲက မှ တခြားထည့်သွင်းစဉ်းစားရဖို. အချက်အလက်တိကို ဇယားချေနဲ. အေပိုင်ချရွီးလိုက်ပါမေ။

 ယင်းဇယားကိုအခြေခံပြီးကေ  Probability ဖော်မြူလာနဲ.တွက်လိုက်ဖို.ဆိုကေ မမချေတစ်ယောက် ရည်းစားရှာရေခါ
၁။ လပျိုနဲ.ရနိုင်ရေ အခွင့်အလမ်း ဇာလောက်ရှိလေ ? (ရည်းစားလက်ရှိနဲ. တခုလပ် မုဆိုးဖို အိမ်ထောင်ရှင် တိမပါ)
Probability =  ၃၁၀/၁၀၀၀= ၀.၃၁ x ၁၀၀% = ၃၁ %

၂။ အနည်းဆုံး အုပ်စု (B)လောက်က လူနဲ. အထက်ကို (လူပျိုထဲက) လိုချင်ေ၇ ဆိုကေ အခွင့်အလမ်း ရဖို.ရာခိုင်နှုန်းဇာလောက်ရှိလေ  ?
Probability =  ၁၁၀/၁၀၀၀= ၀.၁၁ x ၁၀၀% = ၁၁ %၃။ လူပျိုလူလွတ်ထဲကမှ အုပ်စု (C) နဲ. (D) အထဲက ပဲ လိုချင်ရေ ဆိုကေ ဝါ။
Probability =  ၇၀/၁၀၀၀= ၀.၀၇ x ၁၀၀% = ၇ %
၎။ လူပျိုတိအပြင် ရည်းစား လက်ရှိတိကို ပါထည့်စဉ်းစားဖို. ပြတ်လားဂေဝါ ရည်းစားနဲ. ဆိုကေ
Probability =  ၅၂၀/၁၀၀၀= ၀.၅၂ x ၁၀၀% = ၅၂ %
အေပိုင်ဆိုကေတော့ နည်းနည်းအခြေအနေ ကောင်းလားရေ။

ယဂေလေ့သင့် ယင်းချင့်စော် အခြေအနေ မှန်လာ။ ပီးထားရေ ဒေတာ တိစော် ခန်.မှန်းရာ ဖြစ်ပြီးကေ အတိအကျ မဟုတ်ပါ။ အားလုံးအလုပ်လုပ်နီစော် လူထဲမှာ လူပျိုလူလွတ်နည်းပြီးကေ အိမ်ထောင်သည် ရည်းစားရှိရေလူတိ များပါရေ။ ရည်းစားထားရေ အိမ်ထောင်ပြုရေဆိုစော်မှာ လူပျုိုတိုင်းကို မျက်စပစ်လို.ရစော်ကမဟုတ်။  ကိုယ့်ကိုကြိုက်ဖို.လိုသိရေ။ ကိုယ်ကလေ့ နည်းနည်းပြန်ကြိုက်ဖို.လိုသိရေ။ အကျင့်စရိုက်ချေ ကောင်းဖို.ကလေ့ လိုသိရေ။ မိဘ အသိုင်းအဝိုင်း ဘက်ဂရောင်းချေကလေ့ ကြည့်ဖို.လိုသိရေ။ ရည်းစားထားစော် အလွယ်ချေဆိုကေ တောင်မှ အိမ်ထောင်ပြုစော်က အခက်ကြီးပါ။ ရည်းစားဖြစ်တိုင်း အိမ်ထောင်ကျဗျယ်လား ယဂေ။ ရည်းစားသည် ခင်ပွန်းလင်မဟုတ်။ လင်ဖြစ်လာဖို. Probability ရှိနိုင်ရေ လူတစ်ယောက်ရာဖြစ်တေ။ အချစ်ဦးနဲ. ယူဖြစ်တေ လူဇာနှစ်ယောက်ရှိပါလေ။ ရှားပါရေ။ ဒုတိယ သို. တတိယ တစ်ယောက်နဲ.မှ တတည့်တည့်ကျလားစော်တိရှိပါရေ။

 Relationship တိ ရှိလာရေ အခါ များသောအားဖြင့် ၂ ယောက်မြောက်လူ၊ သို. သုံးယောက်မြောက်လူနဲ. အဆင်ပြေလားစော်များပါရေ။  ယင်းပိုင်ဆိုဂေ  Relationship လုပ်တေအခါလူအများစုဧ။်  အိမ်ထောင်ကျကိန်း Probability ရေ ၀.၃၃ ရှိရေ ဆို ကတ်ပါမေ။
( ၃ယောက်မြောက်နဲ.လက်ထပ်ဖြစ်တေလူများရေ ဆိုရေ သဘော)။ ပထမဆုံး ထားရေ ရည်းစားနဲ. ရဖို. Probability ဇာလောက်ရှိပါဖို.လေး။ အကျွန်ရို. Bernoulli Random Variable of Probability Formula မော်ဒယ်ကို သုံးကြည့်ကတ်ပါမေ။
P (N=1)= (1/3) (2/3)^1-1= 1/3= 0.33

ဂဏန်းငယ်ရေ အတွက်နဲ. Common Sense နဲ. ရရိုးချေတွက်ပစ်ကေလေ့ ရပါရေ။ ပထမ တစ်ယောက်နဲ. ရဖို.အခွင့်အရေးသည် ၃၃% ရာ ရှိပါရေ။ ဒုတိယ တစ်ယောက်နဲ. အိမ်ထောင်ကျကိန်းဆိုကေ
P (N=2)= 1-P(N=1) =  1 - (1/3) = 2/3= 0.67 = 67

အေမော်ဒယ်ကို သုံးစော်မှာ  အပြစ်ပြောလို.ရစော်တိ ရှိပါရေ။  Pass/Fail ပုံစံမျိုးရာ သုံးရေ မော်ဒယ် အတွက်ကြောင့်  ဖြစ်နိုင်ခြေ ၃ ခု ရှိရေ ကိစ္စ မှာ အကောင်းဆုံး Represent လုပ်ချင်မှ လုပ်နိုင်ပါဖို.။ အနည်းဆုံးတော့ ကိုယ်လိုချင်စော် ပွိုင့်ကို ရလားပါဗျယ်။ ပထမ ရည်းစားတစ်ယောက်နဲ. အ်ိမ်ထောင်မကျကေ ဂါ။   အခွင့်အလမ်းတိ ပိုလို.နည်းလားဗျယ်။

ကိုယ့်ကို ကြိုက်လာရေ လူတိုင်းကိုလေ့ ကိုယ်က သဘောမကျ။ ကိုယ်ကြိုက်တေ လူကလေ့ ကိုယ့်ကို ပြန်မကြည့် ဆိုကေ မမချေတိ မှာ ရခိုင်သားကကောင်းမမွန်ချေ တစ်ယောက်နဲ. အိမ်ထောင်ကျဖို. အရေးစော် ကောင်းခက်ခဲပါဖို.ဂါ။ တစ်ခုကောင်းစော်က နိုင်ငံခြားကို ရောက်နီရေ လူတိထဲမှာ ယောက်ျားချေတိက လူများစု ဆိုရေ ခါ သူရို.ခမာတိထက်တော့ ကိုယ်က ပိုလို. အရွီးရ နည်းနည်းလွယ်ပါဖို.ထော။ မမချေတိ ဖက်က ကောင်း ကွန်ပလိန်းလေ့ မတက်နိုင်။ ယောက်ျားချေတိ ဖက်ကလေ့ ရခိုင်သမ မယားတစ်ယောက်ရဖို. ယလောက် လွယ်ဖို. မဟုတ်။ ပိုလို.ရာခက်ဖို.။ ယဂေလေ့ ကိုယ်ပြည် မှာ ပြန်ယူဖို.ဆိုကေ အပုံကြီးပါ။ နိုင်ငံခြားပြန် ဆိုစော်နဲ. ကွမ်းသီးတော သဌေးသမီးရှင်တိ ဝယ်ဖို. ရောက်ဖို.စော်မှာ မပြောကေ့။ ကောင်းစိတ်ပူစရာတော့ မရှိပါ။း) ယောက်ျားချေ တော်တော်များများကလေ့ စင်္ကာပူမှာ ရောက်နီရေ ရခိုင်သမတိကိုဆိုကေ လလွဆာလို. ရွာပြန်လို.ရာ ယူမေ လို.ပြောကတ်ပါသိရေလေ။  စလုံးက စော်တိ ကိုဆိုကေ ထားရာထားလို. ကွမ်းတံထွီး ပက်ပက်နဲ.ပင် အရှင်လလတ် ကိုယ့်ရှိက ပြောစော် ရခိုင်သားတိနဲ. တွိဖူးပါယင့်။ စေတနာမထားဆိုကေလေ့ စိတ်ပုတ်တေ ပြောကတ်ဖို.ဒေဂါး။ 

အဂုခေတ်မှာ ကောင်းရေ လို.ပြောရဖို.လား ဆိုးရေလို.ပြောရဖို.လား အွန်လိုင်းက ကြိုက်ကတ်စော်တစ်ခု ပေါ်လာပါရေ။ ရစော်လူနဲ. ကြူစော်ကို အားမပီးကေလေ့ ကောင်းစော်အချက်ချေတိကို ပြောပြပါမေ။

• ကိုယ့်ရခိုင်အချင်းချင်း အွန်လိုင်းက အသိအကျွမ်း ဖွဲ.စော်ကို လက်ခံပါရေ။ ယဂေလေ့ မမ ကျွန်တော် ရည်းစားလိုချင်လို.ပါ ရပါဖို.လား ဆိုကေတော့ တစ်ခါတည်း ဘန်းပလိုက်ပါရေ။ အပြောအဆိုချေတော့ စကေတဗွေ လိမ္မာဖို.လိုရေ ဆိုစော်ကို သတိပြုရပါဖို.။ ယယိုင်ကျကျေးပြောကေ ဇာရခိုင်သမမဆို ရခိုင်သားဆိုကေ လက်ခံ စကားပြောပါရေ။ စခါကပင် ဆင်နဲ.နင်းလို.ဝင်ပိုင် မဝင်ဘဲနဲ. ရင်းနှီးအောင် အယင်လုပ်ရရေ ဆိုစော်ကို သတိထားကေဗြီးပါဗျယ်။ မထိတထိ ဗမာပိုင် ကြူသလိုလို စသလိုလိုပြောခြင်း၊ မိန်းလေးကသိပ်လှတာဘေး၊ သိပ်ကျတ်သရေရှိတာပေးစသည်ဖြင့် မြှောက်ပင့်ပြောခြင်း တိရေ Self Suicide လုပ်နီရေ ဆိုစော်ကို သတိရပါ။
• ချစ်လို. ကြိုက်လို. ဝါ ရလားလို. မီးကေ ရရေ လို.ဖြေပါမေ။ ဇာဖြစ်လို.လဲ ဆိုကေ ကိုယ့်ရခိုင် အသိုင်းအဝိုင်းစော် အငယ်ချေပါရာ။ လူတစ်ယောက်အကြောင်းကို အချိန်မရွေး စုံစမ်းလို.ရပါရေ။ ယင်းလူရှရှုပ်ပပွီ ဟုတ်မဟုတ်။ မိသားစု ဘက်ဂရောင်းကို တစ်ပတ်မကြာ အားလုံး သိရပါရေ။ အချင်းချင်းဆက်နွယ်နီစော် လူတိပါရာ။
• မမချေ ယောက်ျားချေတိ အတွက် ရွီးစရာ Option တိ များလားပါရေ။ ပြည်တွင်းက လူတိနဲ.ပါ အဆင်ပြေပြေ ကြူလို.ရရေအတွက် သမီးရည်းစား ရှိပြီးသားလူတိမှာလေ့ အဆက်အသွယ်မပြတ်လားအောင် ထိမ်းထားလို.ရရေ။ 

ကိုယ့်အချင်းချင်းကလွဲပြီးကေ ကျန်စော် လူမျိုးတိနဲ. ဆိုကေတော့ ရည်းစားသနာ အွန်လိုင်းက ဖြစ်ဖို. ယက်ဖို. အားမပီးပါ။ ဇာကမှန်းမသိ၊ ဇာပိုင်မှန်းမသိ၊ ဇာသူ.သားသမီးမှန်းမသိပဲနဲ.။  အပျော်အပျက်သမားတိ များစော်ပါရာ။ 

ယလောက်ဆိုကေ အေတော့ပစ်ကို လက်စဖြတ်လို.ရဗျယ်ထင်ရေ။ သူငယ်ချင်းံမမချေ တစ်ယောက် ရခိုင်သားတိ ရွီးရခက်ကြောင်းညီးညူနီရေ။ ရုပ်လှ ပညာတတ် ဖေ့သာရှိ စိတ်ကောင်း နှလုံးကောင်း နဲ. ရခိုင်သားချေတစ်ယောက် ရဖို. အရေးစော် ၂% လောက်ရာ ရှိကေလေ့ အတတ်နိုင်ဆုံး လက်မလျှော့ပါကေ လို.ပြောချင်ရေ။ အချိန်တန်ကေ နပိန်ကန်လားပါလိမေ။ (အရာ နသိုးကြီးကန်လားဂ ဒုက္ခ) စိတ်ရှည်လက်ရှည်နဲ. စောင့်ဖို.ရာလိုရေ။ စိတ်မရှည်ကေ ဖွင့်ပြောပလိုက် (ကိုယ်သဘောကျလူရှိကေ ပြောစော်ရာ) ။ အယင်တရက် က ထမင်းချက်စားကတ်ခါ ပြောဖြစ်စော်ချေတိကို သတိရလို. ရွီးလိုက်စော်ပါရာ။ အကျွန်နဲ. မြတ်ရှင်ကတော့ ထီပေါက်ထားဗျယ် (ထီလက်မှတ်ကို အသေအချာသိမ်းထားပါရေ မပျောက်အောင်)  ဖြစ်တေအတွက်နဲ. ယင်းသူငယ်ချင်းံ တစ်ယောက် အယင်ဆုံး သူချစ် ကိုယ်ချစ် ရခိုင်သားချေ တစ်ယောက်ကို ရပါဇီလို. ဆန္ဒပြုလိုက်ပါယင့်ဂါး။း) 

ခိုင်ဝေဇံ

ထုံးစံ အတိုင်း လူစုပြီးကေ ထမင်းချက်စားဖို.အစီအစဉ်ကို စနီနိခါ လုပ်ဖြစ်တေ။ မြတ်ရှင်က မိုးလင်းကပင်ရောက်လာပြီကေ ဈီးလားခီကတ်တေ ၂ ယောက်။ ဘရေးဂါး ဟင်းရည်သောက် ချက်ချင်စော် ဘရေးဂါးရှာလို.မရခ လကျောက်သားရပါလတ်တေ။ ရကြက်ကလေ့ လလတ်ဆဆတ်မရှိခါ နောက်တစ်နီရာကနီ ဝယ်ဖို.ဗျယ်ဆိုပြီးကေ ပါလတ်ကတ်တေဗျယ်။ အပြန်လမ်းမှာ မုန်.ဟင်းခါး ဝင်လို.စားခသိရေ။း) အိမ်အောက်မှာ ဗမာဆိုင်ရှိရေ အတွက်နဲ. မုန်.ဟင်းခါး၊ ရခိုင်မုန်.တီ ( တခုလေ့သင့်မကောင်း ) အုန်းနို.ခေါက်ဆွဲနန်. ကြာဇံချက် ကြိုက်တေ အချိန်စားလို.ရရေ။

ယဂေ အချက်ကောင်းနှစ်ယောက် အိမ်ပြန်လာခါ ၁၀နာရီ ထိုးဗျယ်။ ၁၂ နာရီခါ လူတိ အားလုံးကိုဖိတ်ထားစော်။ ဟင်းက ၅ မျိုးလောက်ချက်ဖို.စော်မှာ။ ခေါင်းတိတောင် ကြီးလာပိုင်တွိရေ။  ထမင်းတစ်အိုးအယင်တည်ပြီးကေ ရကြက်ဝယ်ဖို. ဗြီးလို.ထွက်ရရေ။  မြတ်ရှင်နဲ. နှစ်ယောက် ဝတုတ်ဖျင်၊ ကင်းစွန်းရွက်ချိုး၊ ရီကြက်ပြုတ်။ ရည်းစားဖုန်းကလေ့ တစ်ဖက်ပြောရသိရေ။ အလုပ်များချက်။ ယင်းမှာတစ်ယောက်ရှိကေ ဘလောက်ပျော်မေမသိ အေပိုင်လုပ်စားရကေ။ အိမ်း ရွီးယင်းနဲ. လမ်းချော်လားယာ။း)

တနားနီကေ ဇံဇံရောက်လာရေ။ မြတ်ရှင်က လကျောက်သားဟင်းရည်အိုးကို ဆရာကြီးလုပ်လို. ယင်ရေ။ မသေချာခါ အမင်သည်ကို ဖုန်းဆက်ပြီးကေ မီးမြင်ယင့်။ ပြီးလို.မြည်းကြည့်လိုက်ခါ လလီးပပိုက် ကောင့်ယင့်ထော။ အားလုံးသူက အချက်ကျွမ်းရေလူတိ မဟုတ်။ လုပ်ချင်စော် လုပ် ပျင်ချင်စော်ပျင် လုပ်ကေလေ့ ဖြစ်လားဝါဒေ။ ဝတုတ်တစ်အိုးလေ့ ချက်လို.ပြီးရေ။ ကင်းဇွန်းတအိုးကျော်ရေ ဇံဇံမှာ။ ယဂေ ၁၂ နာရီထိုးယာ။ ဧည့်သည် နောက်ထပ်သုံးယောက် မပေါ်လာသိမ့်။ ရခိုင်သားနာရီ နဲ.လာဖို.ရှိဖို.လို.တော့ တွက်ပနာ ငရုတ်သီးကြိတ်ကတ်တေ။ ဇံဇံ က ထမင်းတိ ခူးနီဗျယ်။ ဝမ်းဆာ မခံနိုင်ဗျယ် ဆိုဝါ။

အားလုံးလေ့ ပြီးဗျယ်။ ၁၂ နာရီခွဲလောက်ရာ ခင်ဥမ္မာထွန်းရောက်လာရေ။ စားပလိုက်ကတ်ဖို.ဗျယ်ဆိုပြီးကေ ဆွဲကတ်ပျယ်မနားယေ။ ကျော်ဖြိုးဝေ က အရက်နာကျလို. အခုမှ နိုးသိဆိုဝါ။ လာဖို. နောက်ကျဖို.လတ်။ ဖြစ်ရဖို.။ အေးမြတ်မွန်လေ့ လာဖို.နောက်ကျဖို.လတ်။ လာခါမှလာ တပျင်းအုပ်ကတ်စော်ဗျယ်။ ရကြက်သုပ်တောင်မှ ယလောက်မစွန်။ ဝတုတ်တစ်အိုး တဝက်လျော့လားရေ။ ငရုတ်ကြိတ်ကလေ့ စွန်ရေ။ သံပရာသီး တိ ပြိုပါရေ  အချဉ်လိုရေ အချဉ်လိုရေ နန်.ပင်ထည့်ကတ်စော်။ ကျော်ဖြိုးဝေရောက်လာရေ စားရေ တလောင်ဗွန်းတည်း။ ဇံဇံက ဘာဘီကျူးလုပ်ဖို.လားဗျယ်။ အေးမြတ်မွန်နဲ. သူငယ်ချင်း ရခိုင်သမချေတယောက်ရောက်လာရေ။ သူရို.ကမှ အားရပါးရ စားစော်။ ကိုယ်၇ို.နဲ. ဂိုဏ်းတူတိ။

 ဖိတ်ထားစော် လူတိလေ့ အားလုံးရောက်ရေ။ ချက်ဖို. စီစဉ်ထားစော်တိလေ့ အားလုံးချက်ဖြစ်တေ။ ထမင်းလေ့ မပို ဟင်းလေ့ အားလုံးနီးပါးကုန်ရေ။ ယပြီးခါမှ စိတ်ချမ်းသာလခရေ။ အစောကြီးလာကူပီးရေ မြတ်ရှင်နဲ. ဇံဇံကို ကျေးဇူးတင်ရေ။ မြတ်ရှင်ကတော့ အရာတစ်ပတ်ခါ ကြာဆံသုပ်စားကတ်မေဟေး လို.ခေါ်တောင်းလို. လားခရေ။း) တွိကတ်မေ နင်းရာဟေး နောက်အပတ်ခါ။း)

ကျော်ဖြိုးဝေနဲ. အေးမြတ်မွန်လာခါ အလောသုံးဆယ်နဲ.ဆိုခါ ဓါတ်ပုံ၇ိုက်ဖို. ယက်ဖို. မိလားရေ။း) နောက်တစ်ခါပေါ့။

စားနိုင်ကေ ကိုယ့်ဖို.
ခိုင်ဝေဇံ

ဆိုပါဖိ


ရွာတစ်ရွာမှာ မိအိုဖအို နှစ်ပါးကို လုပ်ကျွေးနီရေ ကလေ့မေချေ တစ်ယောက်ရှိရေဆိုပါဖိ။ ယင်းကလေ့မေချေစော် တစ်ရက်နိခါ မြစ်မှာ ရီကူးယင်းနဲ. ၇ီနစ်ပါရေ။ ယင်းခါ လှေတစ်စင်းလာလို.ကယ်ပါရေလတ်။ ယင်းလှေမှာ ရွာက အရွယ်တူကလေချေ  ၃ယောက်ပါပါရေ။ ယင်းမမချေကို တစ်ယောက်က ဆင်းလို.ကယ်ပြီးကေ လှေထက်ကိုဆွဲတင်ဖို.လုပ်ကတ်ပါရေ။ ယေခါ ယင်းမမချေစော် ရုန်းပါရေ။ မတက်လိုပါလတ်။ ဇာဖြစ်လို.လေး ဆိုကေ ရီထဲမှာ ရုန်းယင်းကန်ယင်းနဲ. ထဘီ ကျွတ်ကျလားလို.ဆိုပါရေ။ အရှက်ကြီးရေလူဖြစ်တေအတွက်နဲ. အသက်ရာ အဆုံးခံပလိုက်ချင်ပါရေလတ်။ ယင်းနေရာမှာ ကိုယ်ရာဆိုကေ ဇာပိုင်လုပ်ဖို.လေးချင့်။

အရှက်နဲ. အသက်ကိုလှယ်ဖို.လား။ယင်းနေရာမှာ အကျွန်ဆိုကေတော့ ထဘီ ပါပါ မပါပါ တက်လာပါဖို.။ အမိ အဖကို အသူလုပ်ကျွေးဖို.လေး။ ကိုယ့်အရှက်ကိုကြည့်ဖို.လား ကိုယ့်အမိ အဖ ဘဝကို ကြည့်ဖို.လား။ အေအဖြစ်အပျက်တစ်ခုတည်းကြောင့် ကိုယ့်အသက်အဆုံးရှုံးခံဖို.တန်လာ။ အားလုံးကို ထည့်စဉ်းစားကြည့်ရပါဖို.။ စစ်တွေမှာနီခါ ဆံတော်ရှင်ကိုလားလို. လမ်းမှာ ဘုတ်မှောက်ခါ ထဘီကျွတ်လားလို. ရီထဲက မတက်လာပဲနဲ. အသက်အဆုံးခံလားရေ မမချေတယောက်အကြောင်းကို ကြားဖူးပါရေ။ အချေခါက သူရဲကောင်းလို.မှတ်ခရေ။ ငါရာဆိုကေလေ့ ယင်းပိုင်အသက်ဆုံးခံပလိုက်ဖို.။ အရှက်အကွဲမခံ။ သီလို.အလောင်းပေါ်လာခါ တုံးလုံးပါရာ။ ဇာထူးပါလေ။

အရှက်နဲ. သိက္ခ္ခာကို ဇာပိုင်ခွဲခြားကတ်ပါဖို.လေးချင့်။ ငါရှက်တေ ငါသိက္ခာကျလို. ဆိုစော်မျိုးပြောချင်ကေ ဇာအကြောင်းနဲ.ရှက်လေ ဆိုစော်ကို အယင်မီးရပါဖို.။ သိက္ခာဆိုစော်ကို အကျွန်.အနေနဲ. ကိုယ်ကျင့်သိက္ခာလို. ဘာသာပြန်ပါရေ။ ကိုယ်ကျင့်တရားနဲ. ပတ်သတ်တေ။ Integrity.မကောင်းစော်ကိုလုပ်ကေ ရှက်တတ်ရဖို.။ အကျွန်ရို. ဘာသာတရားနဲ.ပြောရကေ သိက္ခာဆိုစော် အကျင့်သီလဖြစ်တေ။ မကောင်းစော်ဆိုစော်ရေ သီလနဲ. မကိုက်ညီရေ အရာအားလုံးကို ခေါ်ပါရေ။ အခြေခံက ငါးပါးသီလ ဆိုကတ်ပါမေ။ ခိုးရေ ဝှက်ရေ လိမ်ရေ အရက်သောက်တေ အစရှိသည်ဖြင့်။ ရခိုင်သားတော်တော်များများရေ အရက်သောက်တေဆိုစော်အချက်စော် မှန်လို.ရှိခကေ အရက်သောက်ပြီးကေ အိပ်နီရေ မသောင်းကျန်းဆိုကေ တောင်မှ မကောင်းမှုကိုလုပ်စော်နဲ. တတူပါပျယ်မဟုတ်ပါလား။ အေလောက်စကားကြီး စကားကျယ်တိ ခံနီရစော် အကြောင်းက အဝတ်အစား နဲ. အရှက်သိက္ခာနဲ.စော် ထင်သလောက်ထိ မပတ်သတ်ဆိုစော်ကိုပြောချင်လို.ပါ။

အယင်တလိုင်းက အွန်လိုင်းမှာတွိသော ရခိုင်သမ အပျိုကြီးမမတစ်ယောက်က ပြောလားပါရေ။ ရခိုင်သမချေတိ အဖော်အချွတ်တိ ကောင်းလုပ်လာရေလတ် အရှက်သိက္ခာကို ထိမ်းစီချင်ရေလို. ပြောလားပါရေ။ အကျွန်က မီးပါရေ အရှက်သိက္ခာမရှိဆိုစော် ကို မမ ဇာပိုင်အဓိပါယ် ဖွင့်ပါလေလို.။ ယေမှာ အတိုအပြတ်ဝတ်ခြင်း ကြိုးတချောင်းဝတ်ခြင်း တစ်ချို.ရခိုင်သမချေတိ ရီကူးဝတ်စုံတိ ဝါတ်လို. အင်တာနက်မှာ ဓါတ်ပုံတင်ခြင်း ရို.ကို ဆိုလိုပါရေလတ်။ အကျွန်ကပြောရေ အကျွန်၇ီကူးဝတ်စုံတော့ မဝတ်ဝံ့ပါ။ မလှလို.လို.။ လှကေ ဝတ်ဖို.လို. ရီကူးကေ။ ကျန်စော် မမ ပြောစော်တိကိုတော့ အားလုံးဝတ်ဖြစ်ပါရေလို.။ အကျွန်ရှက်စရာလို.မယူဆပါလို.။ ကိုယ်ကျင့်သိက္ခာနဲ.ဆိုကေ အဝီးကြီးပါရာလို.။ ဘုရားတောင်မှ ကာလံ ဒေသံ လို.ဟောခမဟုတ်ပါလားလို.။ ယေမှာ မမရို.က ကိုယ့်ထီး ကိုယ့်နန်းနဲ.နီလာရေ ယိုင်ကျေးရေ လူမျိုးတိဖြစ်လို. ယင်းပိုင်မဝတ်သင့်ပါလို.ပြောပါရေ။ ယဉ်ကျေးရေ လူမျိုးစော် အဝတ်အစားခေါင်းကပင် ခြီအထိ ချုပ်ထားရေ လူမျိုးကိုခေါ်ပါလာ။ ယင်းပိုင်ဆိုကေ ဘူချုပ်ထားရေ ကုလားမတိ၊ ကုလားတိလောက် ယဉ်ကျေးစော်လူမျိုး ကမ္ဘာမှာ ရှိပါသိလား။ အကျွန်ရို. ယဉ်ကျေးမှု အစဉ်အလာကြီးမားရေ ဆိုစော်လက်ခံပါရေ။ အဓိကကတော့ ယဉ်ကျေးမှုဆိုစော် ဘာသာတရားကို အခြေခံလို. ဖြစ်တည်လာရေ စကားစုလို.ထင်ပါရေ။ သင့်မြတ်ကောင်းမွန်ရေ ဘာသာတရားကို လိုက်စားပြီးကေ လူတိစော် ယဉ်ကျေးလာကတ်စော်ပါ။ အကျွန် Define လုပ်တေ ဘာသာတရားကို အခြေခံရေ ဆိုစော်ကို ငြင်းလို.ရပါရေ။ စာအုပ်တိကို ကိုးကားပြီးပြောနီစော်မဟုတ်တေ အတွက်ပါ။ ကိုယ့်စိတ်ခံစားချက်သတ်သတ်ပါရာ။ ယိုင်ကျေးမှုကို ဆွဲထည့်ချင်ရေဆိုကေ ခေတ်ဆိုစော်ကိုလေ့ ထည့်တွက်ရပါဖို.။

အခေါက်ပေါင်းမြောက်များစွာ အကျွန် အေအဝတ်အစားနဲ.ပတ်သတ်ပြီးကေ အငြင်းအခုန်ဖြစ်ခဖူးပါရေ။ လူပေါင်းအများကြီးပါ။ တော်တော်များများကတော့ အသက် ၃၅ ကျော်တိများပါရေ။ Generation Gap လို.နားလည်ပါရေ။ တကယ်လို. အသက်အရွယ်အငယ်ပိုင်းက ဆိုကေတော့ အဂုမှ ရွာကရောက်စ သော်လည်းကောင်း၊ ကိုယ်တိုင်အရုပ်အရည်ဆိုး သော မမချေတိက ကိုယ်ဝတ်လို.မလှလို. မဝတ်စော်ကို လူများမမချေတိကို အပုတ်ချလို.သော်လည်းကောင်း၊ တချို.ယောက်ျားချေတိက အငြင်းအခုန်လုပ်ကတ်စော်မှာ ရခိုင်သားမျိုးချစ်စိတ်ဓါတ်ပြချင်လွန်းအားကြီးပြီးကေ အဟင့် ဆို အဟင့် မကောင်းဆိုကေ မကောင်း ပြောမရဆိုမရ တဇူးထိုး လုပ်ကတ်လို.သော်လည်းကောင်း ငြင်းခုန်ကတ်စော်များပါရေ။ အေအကြောင်းကို အရေးတယူလုပ်လို. မပြောစော်လူတိရှိပါရေ။ မျက်စိယဉ်လားဗျယ် ဖြစ်လို.ပါ။ တစ်ခုလေ့ မထူးဆန်းရေ ကိစ္စလို.မှတ်ယူလိုက်လို.ပါ။ တခါတလီ ကိုးရီးယား ထိုင်းရို. ရောက်နီရေ ရခိုင်သားတစ်ချို. ကမ်းခြေတိကို လားပြီးကေ ဘီကီနီဝတ်ထားရေ ကောင်မချေတိနောက်ခံနဲ. (လူလှမလှအရေးမကြီး မမချေတိ အများကြီးပါလီကောင်းလီ) ပုံစံမျိုးနဲ. ရိုက်ထားကတ်စော်တွိရပါရေ။ မမြင်စတ်ဖူး မြင်စတ်ဖူး အဂုမှရောက်တေသိဆိုခါ ကောင်းအထူးအဆန်း ဆာက ကြည့်ရပိုင်တွိကတ်ပါဖို.လားမသိ။ သတိထားပါယေ ယင်းချင့်စော် အရိုက်မတတ်ကေ တရားစွဲလို.ရပါေ၇။ ကိုယ်ကလားလို. မထိ မကိုင်ခီတိုင်း ကြည့်ချင်ပိုင် မျက်လုံးပြူးပါအောင် ကြည့်လို.ရရေ မထင်ပါကေ့။

အေနေရာမှာ တစ်ခုပြောချင်စော်က အတိုအပြတ် အဝတ်အစားရဲသော မမချေတိ အများစုစော် ပါတီတက်၊ ကလပ်လား၊ ဆေးလိပ်သောက်၊ အရက်သောက် လုပ်တေ၊ ရည်းစားများတတ်တေ ဆိုကေ လက်ခံပါလာ ဆိုကေ အတိုင်းအတာ တစ်ခုအထိ လက်ခံပါရေ လို.ဝန်ခံရပါဖို.။ အများစုလို. စကားခံ ထားပါရေ။ အားလုံးမဟုတ်ပါ။ အဓိက က စတီရီယို တိုက်ပ် လုပ်ပစ်ကတ်လို. ရှိပါဖို.။ အကျွန် ကာကွယ် ပြောဆိုနီရေ အချက်အလက်စော် မမချေတယောက် ကာလ ဒေသ အလျောက် ကိုယ်ဝတ်ချင်စော်ကို လွတ်လွတ်လပ်လပ် ဝတ်စားနိုင်ခွင့်ရှိခြင်း တစ်ခုတည်းရာ ပါပြီးကေ အရက်သောက်ခွင့်ပါမစ်တောင်းနီစော်မဟုတ်ပါဂါး။  ပါတိတ်ချေဝတ် သနပ်ခါးချေ ပကွက်ကွက် ပြီးကေ ဝမ်းကြီးလားရေ ရွာက မမချေတရှိစော်ကို မမိပါကေ့။ စတီရီယို တိုက်ပ် လုပ်စော်ကို နည်းနည်းလျှော့ဖို.လိုရေ လို.ထင်ပါရေ။ ထမီချေနဲ. ပါးကွက်ချေနဲ.နီစော်ကို မကန်.ကွက်ပါ။ အကျွန်လေ့ ကိုယ့်ပြည်ကို ပြန်ကေ ထမီနဲ. ပါးကွက်နဲ.နီပါရေ။ တကယ်လို. မမချေတိ ထိမ်းသိမ်း သင့်ရေဆိုကေ အရက်သောက်စော် တိ၊ ဆလိပ်သောက်စော်တိ၊ ယောက်ျားတကာ နဲ. အတွဲများစော်တိကို ဆွဲလို. ထိမ်းဖို.ပြောရပါဖို.။ ပါတီလားစော်ရေ လုံးဝမကောင်းလို.လက်မခံပါ။ ကိုယ့်ပါးမှာ ဇာတ်ပွဲလားရေ သဘောနဲ.တတူပါရာ။ ကိုယ့်စော်ကို ကိုယ်ထိမ်းနိုင်ဖို.ရာ အရေးကြီးပါရေ။ အခုက အတိုချေဝတ်ကေပင် ကိုယ့်သိက္ခာထိမ်းကတ်ပါပျင်နီကတ်ခါ အေလူ စာမတတ်လီလာချင့်လို. ခံစားရပါရေ။

မမချေတိဖက်ကလေ့ ပျင်သင့်စော်တိ ရှိပါရေ။ အခုခေတ်မှာ တော့ အတွဲများစော်ပေါ့။ ကြားရပါရေ အများကြီးပါရာ။ မယူပဲ တတူနီရေအကြောင်း၊ တယောက်လက်က တယောက်ပြောင်းလခရေအကြောင်း။ ၃ယောက်လောက် ရည်းစားရှိမှ ဂုဏ်တက်တေလို. ထင်ကြောင်း။ ယင်းချင့်တိကတော့ နည်းနည်းလွန်လားဗျယ်ထင်ပါရေ။ အဓိက က ကိုယ်ကျင့်တရားနဲ.ပတ်သက်ပြီးကေ မဖောက်ဖျက်ဖို.လိုပါရေ။ အမိ အဖ ဂုဏ်သိက္ခာ ကိုထည့်လို.တွက်ရပါဖို.။ အကျွန်.အမိအဖစော် ထော ခိုင်ဝေဇံ မီနီစကပ်ဝတ်လို.လတ်ဟေး အေပိုင်လေ့ရှိလာ ဆိုလို အကျွန်.ကို ဆဲဖို.အမိအဖမျိုးမဟုတ်ပါ။ အကျွန်..အသက်အရွယ်မှာ ကိုယ့်အဝတ်အစားကို ကိုယ့်စိတ်ကြိုက်ဝတ်ခွင့်ရှိရေ။ ငါ့သမီးစော် ညဏ်နဲ. ပညာနဲ. အတိုင်းထက်အလွန်လုပ်ဖို.မဟုတ်လို. ယုံပါရေ။  အမိရို.ရှိကတော့ အကျွန်လေ့ မဝတ်ပါ။ အေး နင့်သမီးမှာ ရည်းစား ၃ ယောက်လောက်ရှိရေ လတ်ထော၊ မူးလို. ရူးလို.ထော ဆိုကေတော့ ဒုံးပျံစီးလို. ရခိုင်အလံလွှင့်လို. ဓါးကိုင်လို. လိုက်လာကတ်ဖို.။

အိမ်း အေပိုင်စော် စာကို အေအမ်ပီမှာ တင်ပစ်ခီကေ ဘလောက် အဆဲခံရမေ မသိ။ အခုကိုယ့်ဘလော့မှာကိုယ် ဆိုခါ အရေးမကြီး။း) အေအမ်ပီလေ့ နိုင်ငံရေး ဝက်ဘ်ဆိုဒ် ပုံစံ ဖြစ်လားဗျယ်လို.ပြောပါယင့်။ ကောင်းပါရေ။ အားလုံးသူ လက်လှမ်းမှီရေ နိုင်ငံရေး ဘလော့တစ်ခုဖြစ်လီကေလေ့ ကောင်းရေမဟုတ်ပါလားရေ။ အကျွန်.အနေနဲ. ဆိုကေ တော့ အေအမ်ပီကို ဝင်ပစ်ခီလို. ရခိုင်ကို တဖေ့ချေပိုလို. ချစ်လာရေလို. ပြောလို.ရပါရေ။ အေကနီ အေထက် အဆ အောင်မြင်ပါစီလို. ဆုတောင်းပီးလိုက်ပါယင့်။ ယေကေလေ့ ရခိုင်သားတိ ရခိုင်သမတိ အဝတ်အစား ကိုနားလည်ပီးနိုင်ပါစီလို.တော့ ဆုမတောင်းဗျယ်။ ဆုတောင်းကေလေ့ နားလည်နိုင်ဖို.မဟုတ်ဆိုစော်ကို သိလို.။ နားမလည်ပီးနိုင်ကေလေ့ အပြောင်းအလဲတိကို ရင်နာနာနဲ. ထိုင်ဆဲရုံကလွဲကေ တခုလေ့လုပ်လို.ရလီဖို.မဟုတ်။  ပြောင်းစရာရှိစော်တိကတော့ ပြောင်းလီဖို.စော်ပါရာယေ။

ခိုင်ဝေဇံ

သူငယ်ချင်းစန္ဒီအီးမေးလ်ပို.ပီးစော်ပါ။ တစ်ခေါက်က သင်္ကြန်ခေါက်ဆွဲသုပ်ဆိုပြီးကေ အေဘလော့မှာတင်ဖူးပါရေ။ အမှန်က ကိုယ့်ပြည်မှာ ခေါက်ဆွဲထက် ကြာဇံရာသုပ်စားစော်များပါရေ။ သူ.အီးမေးလ် အော်ရီဂျင်နယ်လ် ကိုပါတင်ပီးလိုက်ပါယင့်ဒေ။း)

  ***သတိရလို့ဓါတ်ပုံရိုက်ထားလိုက်တေ

ထုံးစံအတိုင်း အားဗျယ်ဆိုကေ အိမ်မှာ မုန်.တီချက်ပါဗျယ်။ အရီးမ ကလေ့ ကြိုက် ကိုယ်ကလေ့ ကြိုက်။ သူမချက်ကေ ကိုယ်ချက်။ ကိုယ်မချက်ကေ သူချက်ဆိုခါ တစ်ပါတ် တစ်ခါလောက် စားဖြစ်နီရေ။ သူချက်စော်က ပိုလို.ကောင်းရေပယေ။း)

သူက ဗမာပြည်က အဂုမှ ပြန်ရောက်ခါ ဟင်းတိ အစုံအလင်ပါလာရေ။ မုန်.တီချက်ဖို. ဆိုပြီးကေ လကျောက်သားကင်လို.ယူခရေ။ ဖက်ချေ ကင် ပ။ ယင်းချင့်ချေနဲ.မု.န်.တီလုပ်ပလိုက်စော် ချိုသလားလို.မမီးကေ။ သင်္ဘောထိုးနဲ.ချက်စော်ထက်ပင်ကောင်းရေဂါ။ သူက ငရုတ်သီးအခြားမလုပ်ပျယ်။ အားလုံးရောပြီးကေ အာပူလျှာပူလုပ်ပလိုက်စော်ဆိုခါ။ ကောင်းသလားမမီးကေ  စစပ်ချေနဲ။ ငပိအတန်၊ ဆားအတန်၊ ငရုတ်အတန်နဲ. ကကောင်းကောင်းပိုင်တွိရေဂါ။ စားလီဂတ်ပါ။ အောက်မှာ ဓါတ်ပုံတင်ပီးလိုက်ပါယင့်။

စားနိုင်ကေ ကိုယ့်ဖို.
ခိုင်ဝေဇံ

မှတ်မိလာ မသိ  ဖားသားနဲ. မှင်းဂျိုးနု နဲ. ဆီပြန်ချက်စော်။

ကိုယ့်ပါးမှာ ဆိုကေ တော့ စားဖား အလှပ တိကို ကြပ်တင်လို. မွှီးလို. ကြိုင်လို. တိကိုမှ ပပိုက်နနိုက် ငရုတ်သီးစစပ်နဲ. ချက်စော်။ အေဂုက ကိုယ်ချက်စော်တောင် မဟုတ်။ ယောက်ခမလောင်းချက်စော်ကို ဓါတ်ပုံရိုက်ထားစော် ဟီးဟီး။း) 

ဖားသားကလေ့ ဈီးကြီးနဲ.ဆိုတာ ကိုယ့်ပြည်မှာပိုင် သိုက်ပြတ်ချက်နိုင်စော်က မဟုတ်။ စကေတဗွေချေရာ။ ယဂေလေ့ အလွမ်းပြေဗျယ်မဟုတ်လားယေ။ နိုဝင်ဘာလက ရန်ကုန်ကို ပြန်ချင်ပြန်ဖြစ်ဖို.။ ပြန်လာကေတော့ ဓါတ်ပုံကြည့်ပြီးလျှာရေကျဖို.ရာ ပျင်ထားကတ်ဖိ။း)

အဂုလေ့ လျှာရည်ကျချင်ကေ ကျလို.ရအောင် ဖားသားချက်တင်ပီးလိုက်ပါယင့် ဒေ။

စားနိုင်ကေ ကိုယ့်ဖို.
ခိုင်ဝေဇံ

အကျွန်ရို. ရခိုင်သမတိ ဇာခါ မှ အလှဆင်ကတ်ပါဖို.လေး။


ရခိုင်သမတိ ဇာခါမှ ဖက်ရှင်ဆိုစော်ကို နားလည်ပါဖို.လေး။


အကျွန်ရို.အချေခါ တခါလေ့ မိပ်ကပ်မလိမ်းပါ။ သနပ်ခါးရာလိမ်းရေ။ မိတ်ကပ်ကို လိမ်းရဖို.ပြောရေ အိမ်မှာတောင်မရှိ။ အပျိုချေဖြစ်ခါ  ပရိုမီနာ လောက် အာချီလောက် နိမ်းရကေ ကောင်းဟုတ်ဗျယ်ထင်ခရေ။ မိတ်ကပ်လိမ်းရဖို.စော်ကိုလေ့ ရှက်တေ။ လွလီလွလွ မမချေတိရာ နိမ်းရေ၊ မိတ်ကပ်နိမ်းနီဗျယ်ထော လင်လိုနီဗျယ်လား နဲ.ပင် အိမ်ကလူကြီးတိ ပမှာ အပြောခံရရေ။ ကိုယ်က အသားချေကလေ့ မည်းနဲ.ဆိုခါ မိတ်ကပ်နဲ. နှုတ်ခမ်းဆိုးတင်လိုက်ကေပင် ကုလားမပိုင်ဂါနဲ.ပင် အပြောခံရရေ။ လှချင် ပချင်ရေ စိတ်ကို ချိုးနှိမ်ခံရရေ။ လက်ခံပါရေ။ ဆယ်တန်းထိ၊ ဇကုန် တက္ကသိုလ်ထိ။ မဖြစ်သင့်စော် မဖြစ်အောင်လို. တားသင့်စော်ကို တားရေလို.။ ယဂေလေ့သင့် မမချေတိကို နှုတ်ခမ်းဆိုးချေ ဆိုးကေပငါ လင်လိုနီဗျယ်လား ဆိုရေ အပြောမျိုးနဲ. တားစော် မှားရေလို.ထင်ပါရေ။ ဆင်သင့်ရေ အချိန်မှာ ဆင်ခွင့်ပီးရဖို.။ ပြင်သင့်ရေ အချိန်မှာ ပြင်ခွင့်ပီးရဖို.။ ကိုယ့်ကိုယ်ကို ဆင်ဆင်ပြင်ပြင် လန်းလန်းဆန်းဆန်း နီတတ်အောင်တောင်မှ သင်ပီးရဖို.။

ယဂေ အဂုဝါ တက္ကသိုလ်လေ့ ပြီးဗျယ်။ အလုပ်လေ့ ဝင်ဗျယ်။ ယဂေလေ့ သင့်မဆင်တတ် မပြင်တတ် စော်မမချေတိ ကောင်းအများကြီးပါဂါ။ နိုင်ငံခြားကို ရောက်ကေလေ့ မဆင်မပြင် မဝတ်တတ် မစားတတ် (မဝတ်ချင် မစားချင်လို. ရိုးရိုးချေလို. အကျွန်မယူဆပါ) ကားရီးကားရား ဇာဖြစ်လို. ဝတ်ကတ်ပါသိလေ။ ကိုယ့်စိတ်က ရခိုင်သမချေ တယောက် တော်စော် လှစော်တွိချင်ပါရေ။ တချို.က နင်ရို.မှာ  Natural Beauty ရှိပြီးသား တခုလေ့ Artificial တိကူဖို.မလိုလို. ပြောကတ်ပါလိမ့်မေ။ မှတ်ထားပါ ယင်းပိုင်ပြောစော် မနာလိုလို.။ နဂိုယလောက်လှကေ သင့်တင့်ရေမိပ်ကပ်တိ ပျင်လိုက်ကေ ဘလောက် လှလီပါဖို.လေး။ မြန်မာဝတ်စုံပင်ဖြစ်ဖြစ်၊ ဂျင်းဘောင်းဘီ တီရှပ်ပင်ဖြစ်ဖြစ် လိုက်လိုက်ဖက်ဖက် သင့်တော်ရေ အဆင်အသွီးကို ဝတ်တတ်ကေ ဇာလောက်လှလီပါဖို.လေး။  Natural Beauty မရှိကေလေ့သင့် ကိုယ်နဲ.လိုက်ဖက်တေ မိတ်ကပ်နဲ. တော်ရုံသင့်ရုံ ပြင်ကေ နဂိုရုပ်ထက် အများကြီးထွက်ပါရေ။  ကိုယ့်မှာ Confidence အများကြီးပိုရှိရေ။ ဇာတ်သမပိုင် မိတ်ကပ်တတောင်လောက် တင်ဖို.ပြောနီစော် မဟုတ်ပါ။

ရခိုင်သမတိ မဝတ်တတ် မစားတတ်ကေ ကိစ္စမှာ ရခိုင်သားတိစနက်အများကြီးပါပါရေ။ ရခိုင်သားတိမှာက ကုလားစိတ်ပိုင်ပါဗျယ်။ ဘူမခြုပ်ခိုင်းစော်ရာ ရှိပါဖို.။ Ideal မယားဆိုစော် ခဲဝါဥဖွေးလို.နိမ်းလို. ပါတိတ်ချေဝတ်ပျယ် လင်လာစော် စောင့် ၊ ဆဲကေခံ ခိုင်းကေလုပ်ကေ မယားကောင်းလို. သတ်မှတ်ပါရေ။ ယင်းချင့်တောင်မက ဝတ်စော်စားစော် မမချေရှိကေ လွမလို. ကဲ့ရဲ့ရှုံ.ချတတ်သိရေ။ အဂုတော့ အယင်ကလောက် မဆိုးပါဗျယ်။

နိုင်ငံခြားကိုရောက်လို. အတိုဝတ်ရဖို. အပြတ်ဝတ်ရဖို. ဘီကီနီဝတ်ရဖို.လို. မပြောပါ။ ယကေလေ့ ဝတ်ကေ ဇာဖြစ်လေလို. မီးချင်ပါယင့်။ နွီရာသီမှာ အတိုဝတ်စော်အဆန်းပါလား။ ကမ်းခြေလားလို. ဘီကီနီဝတ်စော် အဆန်းပါလား။ အေမှာ ၇ီကူးကန်လားပြီးကေ ထမီရင်ကန်.လို. ၇ီချိုးမေ ဆိုလို. ရပါလား။  အချိန်နဲ.အခါနဲ. လိုက်ပြီးကေ ဝတ်တတ်ကေ ကျီဗျယ်လို. ထင်ပါရေ။ ယဂေလေ့ ငါနိုင်ငံခြားက ပြန်လာရေဟေးဆိုပြီး စစ်တွေ ပွိုင့်မှာ ဘီကီနီနဲ. ပြီးနီကေ မျှော်စင်ထက်ကနီ တိုးချတောင် ခံရဖို.သိ။ အချိန်အခါသင့်ကေလေ့သင့် နေရာ သင့်လာ မသင့်လာကြည့်ရပါသိရေ။ အဂုက ဘီကီနီထားလို. ကြိုးတချောင်း အင်းကျီဝတ်ကေပင် အဘာလေး ကိုယ့်ယဉ်ကျေးမှုကိုသတိရကတ်ပါ၊ ရိုးရာကိုသတိရကတ်ပါ။ မမချေတိ မလော်လီကတ်ပါကေ့ နဲ.ပင် ကြားရပါရေ။ ခေတ်ဆိုစော်ကို မိနီကတ်ပါရေဂါ။

ရိုးရာကို တချိန်လုံး စွဲနီလို.မရပါ။ မျက်စိဖွင့်ကြည့်ပါ။ တကမ္ဘာလုံးပြောင်းလဲနီစော်ပါ။ လူမျိုးစုတိုင်း ကြုံနီရစော် ကိစ္စပါရာ။ သင့်တော်ရေပိုင်လိုက်ပြီးကေ Adept လုပ်ဖို.အချိန်လို.ထင်ပါရေ။  ငါရခိုင်သား ရခိုင်လူမျိုးတိုးတက်အောင်ကြိုးစားမေ နင်ရို.ရခိုင်သမတိတခုလေ့ လုပ်ဖို.မလို အိမ်မှာနီကတ် အပြင်မထွက်ကေ့ဆိုစော် အတွေးမျိုးထက် ကိုယ့်ဒူးကိုယ်ချွန် ရခိုင်သားနဲ. ရင်ဘောင်တန်းနိုင်ရေ ကိုယ့်ကိုယ်ကို ယုံကြည်မှုရှိရေ၊ စိတ်ဓါတ်ခိုင်မာရေ တက်ကြွရေ ရခိုင်သမတိကို လက်တွဲခေါ်ရပါဖို.မဟုတ်ပါလာ။ အေရခိုင်သမလှရေ၊ ရခိုင်သမချေမိုက်တေထော၊ ဝတ်တတ်စားတတ် ပြင်တတ်ဆင်တတ်တေ တော်ရေ ဆိုကေ ချီးကျူး ဂုဏ်ယူနိုင်ရဖို. မဟုတ်ပါလား။ အဂုက ဆန်.ကျင်ဘက်ပါဂါ။

အဂုတော့ ပြင်ပြင်ဆင်ဆင် ဝတ်တတ်စားတတ်တေ ရခိုင်သမချေတိ များလားစော်ကိုတွိလို. ဝမ်းသာရပါရေ။ ထော ငရို.ရခိုင်သမယေ တပျင်းမိုက်တေလို. ပြောလို.ရပါရေ။ ကျန်စော် တော်ရိတော်ရော် အလှအပကို စိတ်မဝင်စား ဖြစ်တေပိုင် ဝတ်မေ အရေးမကြီးလို. ထင်ရေ ရခိုင်သမချေတိကိုလေ့ ပြောချင်ပါရေ။ မိတ်ကပ် ၅ မိနစ်လောက် အချိန်ယူပြီးပြင်ဖို.မခက်ပါ။ ဖေ့သာလေ့မကုန်ပါ။ အဝတ်အစားကို တုံးတိကြီးမဟုတ်ပဲနဲ. လိုက်ဖက်စော်ကို တွဲလို.ဝတ်ဖို. မခက်ပါ။ အကျွန်ရို.စော် နိုင်ငံခြားမှာ ယောက်ျားတိနဲ. ရင်ဘောင်တန်းပြီးကေ လုပ်နီရေ Professional , Mature ဖြစ်တေ မမချေတိပါ။ လူကြားသူကြားမှာ Impressed ဖြစ်အောင် ဝတ်တတ်စားတတ်ဖို. ကိုယ့်ကိုယ်ကို ကြည့်ကောင်းအောင်ပြင်တတ်ဖို. လိုကို လိုပါရေ။

အေဘလော့ပို.စ်ကို ရွီးချင်စော် နှစ်နဲ.ချီနီပါဗျယ်။ အဂုမှရွီးဖြစ်တေ။ နောက်ထပ်လေ့ အကျွန်ရွီးဖို.စိုင်းစားထားစော်ရှိပါရေ။ အဝတ်အစားအကြောင်းပါ။ ကိုယ်ယလောက်ထိ မသိကေလေ့သင့်ပြိန်းတောမှာ ဓါးက ကြည့်ပါမေဒေ။ ရခိုင်ဖက်ရှင် ဘလော့ဂါလို.မရှိသိပါဂါ။ မမချေတိထဲက တစ်ယောက်နှစ်ယောက်လောက် ထပြီးလုပ်ကေ ကောင်းပါဖို.။ မမချေတိကို ဘလော့မှာများများ Active ဖြစ်စီချင်ပါရေ။ အစားအသောက်အကြောင်းကို အမြဲတမ်းရွီးနီလို.မရခါ နည်းနည်းပါးပါး တော့ပစ် ပြောင်းကြည့်စော်ပါ။ အလုပ်များနီလို. ထိုလုပ်စား အေလုပ်စား လုပ်လို.မရခါ နောက်ထပ် ရခိုင်စာ  ပို.စ်က မတင်ဖြစ်ဖြစ်နီပါရေ။ မကြာခင် တင်နိုင်ဖို.ထင်ပါယင့်။း)

ခိုင်ဝေဇံ

မေမေလာခက လုပ်ပီးပခစော်ချေတိပါ။

အထူးအဆန်းမဟုတ်ကေလေ့ ကိုယ့်စော်ကိုယ် တော်ရုံတန်ရုံလုပ်စား ဖြစ်စော်တိမဟုတ်ခါ ခေါက်ဆွဲလောင်ဗွန်းကို မြင်လိုက်စော်နန်. ရွှေရစော်ထက်ပျော်ရေ။

ကိုယ်ရို.ပမှာ သင်္ကြန်ခါဆိုကေ ကြာဇံကို ယင်းပိုင်ဗျယ်အားရပါးရ သုပ်တေမဟုတ်ပါလားယေ။ အိမ်မှာ သင်္ကြန်ခါ အိမ်သား တယောက်ယောက် အစာတက်ပျယ်ဆိုကေ မုန်.ချိုချေလုပ်ပြီးကေ ဘုရားကပ်၊ ပြီးကေ အေ ခေါက်ဆွဲ မဟုတ်ကေ ကြာဇံကို အမြဲတမ်းသုပ်ပြီးကေ အိမ်တိုင်းလိုက်လို.ဝီပါရေ။

ချက်နည်းကတော့ ထူးထူးခြားခြားမဟုတ်ပါ။ ဆီချက်တေအခါ အရောင်တင်နဲ. ငပိနဲ.ထည့်ချက်။ ပြီးကေ ကြက်သွန်ကြော်၊ ကြက်သွန်စိမ်းနဲ. ကြက်ဥပြုတ်ပပါးချေလှီးပြီး အုပ်ထားစော်။ ပြောခါလွယ်ရေ။ ကိုယ့်စော်ကို လုပ်ကြည့်လို. အချိန်အဆ မတတ်ကေ ပျက်ပျယ်ယေ။

မေမေ ပြန်လခကေလေ့ သတိရပါရေ။ အမိအေခေါက်လာခါ စိတ်ချမ်းသာအောင်ထားလိုက်ရပိုင်မတွိ။ တခုကိုလေ့ အလှပ မလိုက်ပို.လိုက်ရ။ တချိန်လုံးအလုပ်ထဲမှာ။ ပြန်လာကေ အိပ်ပျယ်။ ရုန်းနီရ ကန်နီရစော်ကိုး ဘဝမှာ။ နောက်နှစ်ပ လေ။ နောက်နှစ်ခါတော့ သေသေချာချာ မေမေလာရေတစ်လ သမီးလိမ္မာ ဖြစ်အောင် လုပ်ပါဖို.။

စားနိုင်ကေ ကိုယ့်ဖို.
ခိုင်ဝေဇံ

ကွန်ပျူတာကလေ့ တချိန်လုံး Hang နီရေဂါ။ မောက်စ်ကိုတောင် မကိုင်ဝံ့ဗျယ်။ ဟောင်းဗျယ်ကိုး။ အဆိုးအဆာချေ ဝယ်ထားစော်။ ဈီးယလောက်ထိ မကြီးစော်ထဲက။ ၃နှစ်လုံးလုံး အပြောင်းသုံး အပြန်သုံး ကျောက်လို. ကန်လို.သုံးလာစော်။ မပျက်စော် ကို ရှိခိုးဦးတင် ကျေးဇူးတင်ရဖို.။ အေလဆိုကေ ကွန်ပျူတာကို ShutDown မလုပ်စော် ၃လပြည့်ဖို.ဗျယ်။ ဟီးဟီး။ လူရှိကေလေ့ဖွင့်ထား လူမရှိကေလေ့ဖွင့်ထား ။ ကွန်ပျူတာနဲ. နပန်းလုံးနီတုံး (ကိုယ်အရှုံးရာ) အခန်းဖော်ကဝင်လာရေ။ လက်ထဲမှာလေ့ ပိတောက်ခြောက်ရောင် ပြောင်ပြောင်လက်လက်နဲ. မျက်စိတောင်ကန်းဖို.။ ဇာလေးဆိုမှာ ရခိုင်ဝတ်စုံလတ်။ ခရစ်စမတ်မှာ ရခိုင်ဝတ်စုံဝတ်ပြီးကေ တေးခြင်းဆိုဖို.ကျရေဆိုဂါ။ သူက ခရစ်ယန်။ ဘဇောင် အရောင်တရောင်လေဂု။ ကိုယ်အမုန်းဆုံးအရောင်နဲ.မှ တတည့်လာကျရေဂါ။ ယူကြည့်လိုက်တေ တနားချေ။ ရခိုင်ဝတ်စုံက ဘရားစူး မိုးကြိုးပစ်။ အသားလို.လေ့ မကောင်း။ ပုံကလေ့ မကျ။ ယေဂေလေ့ မဝတ်ရစော်ကြာဗျယ်ဆိုဂေ တနားချေ ဝတ်ချင်စိတ်ပေါက်လာရေ။ ယဂေ ဝတ်ကြည့်မှာ ခြုပ်ပီးစော်မမကို ရွှေတံဆိပ်ဆု ချချင်စိတ်ပေါက်လခရေ။ ရင်ခံက ကျပ်တေ။ အထက်က အင်းကျီက ကျကေ တိုနီရေ။ ထဘီကကျကေ သန်နဲ.ကြီးနဲ. ဝတ်လို.ပင်မနိုင်။ ဇာပိုင် ခန္ဓာအတွက် ခြုပ်ပီးလိုက်တေဂ မဆိုနိုင်။ ယဂေလေ့သင့် ဝတ်ဖို.ကျဗျယ် မနားယေ ဇာတတ်နိုင်ဖို.။ ဓါတ်ပုံတိတော့ ကိုယ့်အကြောင်းကိုယ်သိ တပျင်းရိုက်ပလိုက်တေ။ ၁၀ ပုံလောက်ရိုက်မှ ၁ပုံ လှစော်ထွက်ဖို.စော်။ အံ့သြောဖို.ကောင်းစော်က အပုံ၂၀လောက်ရိုက်စော်မှ ပုံကျစော်ချေ တပုံတောင်မှ မပါ။ အမှတ်တရပလေ။ နောက်တခါ ဝတ်ဖြစ်ဖို.ဆိုစော် မလွယ်။

မှတ်မိသိရေ ရခိုင်ဝတ်စုံကို နောက်ဆုံးဝတ်ခစော် စစ်တွေ လောကနန္ဒာဘုရား အုပ်မြစ်ချပွဲမှာ ဗန်းကိုင်ခခါက။ ယင်းခါက ကိုယ် ကုသိုလ်ယူခရေ ဘုရားကို ဘုရားတည်ပြီးခါမှ ကိုယ်တခါလေ့ မဖူးရသိထော။ မှတ်မိသိရေ ယင်းခါကိုယ့်ကို ဆင်ပီးစော် ဒေါ်နုမြသန္တာ။ ကိုယ်ကိုင်ရစော် ငွေအုပ်။ ခေါင်းမူးလို. အိမ်ကို ရခိုင်ဝတ်စုံနဲ. ပြန်လာစော် ဝတ်စုံတဝက်ရာပါလာရေ။ ထဘီ အသူချွတ်လို.သိမ်းထလိုက်လေမသိ။ ဆရာမ ဆွေဆွေသန်းလတ် နောက်ခါမှ သိရေ။ စကပ်နဲ.ရာ မပူကတ်ကေ့။ အချေခါကတော့ ရခိုင်ရိုးရာဝတ်စုံ ရက်ပြတ်ဝတ်ရရေ။ ကိုယ်ရို.က ပြည်တော်သာ ကျောင်းမှာတက်ခါ လူကြီးကြိုကေ အမြဲတမ်းကိုယ်ရို.ကျောင်းက ကြိုရစော်များရေ။ ဖြစ်စော်က ကျောင်းမှာ လူကြီးကြိုဖို. လူရွီးရေ အခါ အလှပလှ ဆိုက်တူ ဂိုက်တူချေတိကိုစီ ရွီးရေ။ ကိုယ်က မလှဂေလေ့ သူရို.နဲ. အရပ်တိုင်းလိုက်ခါ တဆိုက်တည်းဖြစ်နီရေ။ ဟီး။ ယင်းတွက်နဲ.စီ ပါလခရေ။ တခါပါပြီးကေ အတွိအကြုံရှိရေ လူကိုပဲ ဆက်လို.ရွီးရေဆိုခါ အမြဲတမ်းပါလခရေပ။ ကိုယ်လေ့ ကောင်းပျော်ရေ လိုက်ရကေ။ တခြားကြောင့် မဟုတ်။ လေယဉ်ကွင်းကို လားလို. ကြိုရကေ လူကြီးတိ အတွက် စီစဉ်ထားစော် အစားကောင်း အသောက်ကောင်း (အကျန်၊ လူကြီးတိ စားပြီးခါမှ ကိုယ်ရို.ကို ကျွေးစော်) ကိုစားရလို.။ ထုံးစံအတိုင်းပယေ။ မဆိုင်ကေလေ့ ပါလာစော်ပဲ အစားအသောက်အကြောင်း။

ယဂေ ပြောနီစော်အကြောင်းကို ပြန်ကောက်လိုက်မေ။ ဝတ်ရာ ဝတ်ရစော် ရခိုင်ဝတ်စုံနဲ. ကိုယ်နဲ.က သူတော်မနဲ. ခေါင်းဖြီးနဲ.ပိုင်။ တခုပိုင်လေ့ တတည့်မကျ။ အယင်ခါက ယောက်ခလျှာလုပ်ပြီးနီခစော် ဖြစ်လို. ယင်းခါကြည့်လို.မလှစော်ရာ။ အဂု ဆံပင်အရှည်နဲ. ယက်နဲ.ဆိုကေ ကြည့်ကောင်းချင်ကောင်းဖို.နန်းရာလို.ဆိုပြီး ဝတ်ကြည့်မှာ။ ဇာကဟုတ်ခီဖို.လေး။ ယင်းအတိုင်းသိ။

အင်း........... ဇာခါမှရခိုင်ပိုင်ဝတ်လို.လှလီဖို.လေးဂု။


 

ခိုင်ဝေဇံ

ပဒဂါသီးသုပ် စားဖို. ပါးစပ် တပြင်ပြင်နဲ. ဖြစ်နီစော် တစ်နှစ်လောက် ရှိဗျယ်။ လူမစုမိစော်နဲ. စင်္ကာပူမှာ ပဒဂါသီး အစိမ်းရှားစော်နဲ. တခါလေ့ မလုပ်စားဖြစ်။ ညမချေ ခင်ဥမ္မာထွန်း နဲ.  Facebook မှာ တွိတုန်း ပြောလိုက်တေ။ ပဒဂါသီး သုပ်စားကတ်မေလို.။ ရပါရေ မမ လူစုလိုက်ပါမေ။ စနီနိရာ ၃နာရီလောက်အိမ်ကို ပါလတ်ပါလတ်။ ယဂေ သဂါတွင်းကျစော်ဗျယ် မဟုတ်ပါလားယေ။

စနီနိခါ သုံးနာရီတောင်မထိုးသိ စားပါလခရေ။ ယပြီးဂေ အောက်ထပ်က ဆိုင် က ချယ်ရီသီးချေ ကြက်မောက်သီးချေ အစပ်ပြေစားရအောင်လို. ဝယ်ခရေ။ ခင်ဥမ္မာထွန်း ပဒဂါသီး နှစ်လုံးနဲ. ကျင်ကွင်းလို.ရာတွိပါရေ။ တယောက်လေ့မရောက်သိ။ ပုဇွန်ခြောက်ရီစိမ်၊ ငပိ အားရပါးရ တစ်တုံးနဲ. ငရုတ်သီးမီးဖုတ် တစ်ပုံအနားမှာတွိရေ။ လာ ယဂေ အခွံသင်ကတ်မေ ဆိုပြီးက ပဒဂါသီးတစ်လုံး အယင်ကိုင်ရေ။  ဓါးက တုံးရေ ဆိုစော်မှာ သူပါကိုယ်ပါ ချွေးပပြိုက်ပြိုက်ကျပါရေ အခွံသင်စော်။  ပေါက်ဖို.လားဆိုမှာ မပေါက်မမတဲ့။ အတုံးချေ အတုံးချေ လှီးဖို.တဲ့။ ကိုယ်ကပဒဂါသီးဆိုကေ ပေါက်မှ စားကောင်းပိုင်တွိရေ။ ယဂေ ကိုယ်က ပေါက် သူက အတုံးချေ လှီးနဲ.ပင် နှစ်ယောက် ချင်ဆီပျင်ကတ်ပျယ်မနားယေ။ စကားလေ့ တပြောပြောနဲ. ၄နာရီထိုးဗျယ် တယောက်လေ့ မရောက်။ ရခိုင်သားနာရီ။း)

တနားနီမှာ ကံဆိုးသူမောင်ရှင် ခင်မောင်ဦး ရောက်ပါလတ်ပါရေ။ လုပ်နီစော် တစ်နာရီရာ ရှိရေ လက်ကားရား ခြီကားရားနဲ. လုပ်နီကတ်စော် ပဒဂါသီး ပေါက်စော် အလုပ်မပြီးသိ။ ထိုကလေချေလာစော်နဲ. ကယ်တင်ရှင်လာပိုင် ကောင်းဝမ်းသာလားစော်ပါရာမနား။ ယဂေ ၃ ယောက်ဝိုင်းလို. လုပ်ပစ်ကေ စကေယင်လားပါရေ။ ပဒဂါသီး နှစ်လုံးကို လောက်ဖို.လားမလောက်လား စိုင်းစားနီစော် ဒုံပြတ်ရရေ။ ယပြီးကေ ငရုတ်သီး တစ်ဒုံ ထောင်းရေ။ ပုဇွန်ခြောက်ထောင်းပြီးကေ ငရုတ်သီး ငပိနဲ. အရာရောလို.ထောင်းရေ။  ကြက်သွန်ဖြူ အကြီးမသန် တစ်ဥ နဲ. ငရုတ်ကောင်းက တစ်ပုံထောင်းရေ။ ယင်းခါကပင် အနံ.က မွှီးနီပါဗျယ်။  အားလုံးထောင်းပြီးစော်နဲ. မင်းဂျိုးသီး အပိ ကို ရီနဲ. ပပျစ်ချေ ဖျော်ပလိုက်တေ။ ယပြီးကေ နယ်ဖို. အဆင်သင့်ဖြစ်ပါဗျယ်။ ၅နာရီထိုးပါဗျယ် တစ်ယောက်လေ့ မရောက်သိ။

ရခိုင်မုန်.တီ ဟင်းရည်ထုပ် (အသင့်စား) တစ်ထုပ်ကို ခင်ဥမ္မာထွန်း အိမ်က အမ တစ်ယောက်ကလာပီးရေ။ ယင်းချင့်ကို ရီထည့်ပြီးကေ ဟင်းရည်ဆောက်။ ယပြီးကေ ကြက်သွန်ဖြူ၊ ငရုတ်ကောင်း၊ ပုဇွန်ခြောက်ထောင်းဗျယ်ထည့်ပလိုက်မှာ ကောင်းစားကောင်းထမန်းဟင်းရည် ဖြစ်လခရေ။ ပဒဂါသီးကတော့ သုပ်ဖို.အဆင်သင့်ဖြစ်နီဗျယ်။ များလို. နှစ်ဒုံခွဲလို.သုပ်ရရေ။ ရောလို.သုပ်ဖို. မုန်.တီဖတ်လေ့ အဆင်သင့်ဖြစ်ပျယ်။ ပဒဂါသီးထည့်။ ငရုတ်သီး ငပိ ကြက်သွန်ဖြူ ငရုတ်ကောင်း ရောလို.ထောင်းထားစော် တစ်ဝက် ကိုထည့်၊ မင်းဂျိုးသီးအရည် တစ်ဝက်ထည့်ပြီးကေ ရောလို.မွှေ ပလိုက်တေ။ အနံ.က ဆောင့်လို.တက်ပါရေ။ အနှစ်နှစ် ကာလ က စားချင်နီသော် ရခိုင်ပဒဂါသီးသုပ်အနံ.။ မွှီးလို. ကြိုင်လို.။ ဆားမြည်းချင်လို. မရှိဗျယ်။ ဆားမြည်းပြီးစော်နဲ. ထုံးစံအတိုင်း အချဉ်လိုနီပိုင် အစပ်လိုနီပိုင် တွိရည်။ အရာ တကျော့ ငရုတ်သီးနဲ. အချဉ် ထပ်လို.ထည့်ရေ။ ယပြီးကေ မုန်.တီဖတ်ထည့်လို. သုပ်ပလိုက်တေ။ နည်းစော် မဟုတ်တစ်ဒုံ။ သုပ်လို.ပြီးစော် နဲ. လူတိလေ့ ရောက်ကတ်ပါဗျယ်။ နောက် မုန်.ဖတ်မပါပဲနဲ. ပဒဂါသီးသတ်သတ် အားရပါးရ တစ်ဒုံသုပ်ပါသိရေ။ ယပြီးခါမှ ဟင်းရည်သောက်ချေနဲ. စားပလိုက်စော် ကောင်းအရသာရှိစော်ရာ မဟုတ်ပါလား။

စပ်စော်ကတော့ မပြောပါကေ့။ ငရုတ်သီးနည်းနည်းများလားရေ ထင်ရေ။း)   အဝင်ပူရေပိုင် အထွက်လေ့ ပူပါရေ။ နောက်နှစ်ရက်ဆက်တိုက် အိမ်သာနားမှာ ကပ်လို.ရာနီရရေ။  ယဂေလေ့လင့် အရာတစ်ခေါက် သုပ်စားပါဖို.သိ။ တောင်းဆိုရေလူတိကလေ့ အများကြီးထော။း) ယင်းခါ စားဖို.ဖိတ်လိုက်ပါမေယေ။

စားနိုင်ကေ ကိုယ့်ဖို.။
ခိုင်ဝေဇံ

ရခိုင်စတိတ်ရှိုးနိ အကြောင်းကို ပြောပါမေဒေ။ ညဇက ၂၀ရက်နိက။ အလုပ်ရှိယင့်သားနဲ. အမ်စီ ယူပြီးကေ လားလို.ကြည့်ခီစော်ပါ။ အဝတ်အစားအတွက်လေ့ အများကြီး စဉ်းစားပြီးကေ ဝတ်လားပါရေ။ ဟိုပေါ် အေပေါ်လို. အပြောမခံရအောင်၊ ရခိုင်သားတိ မေးမငေါ့ရအောင်လို.။ ယဂေ တက်က်စီနဲ.လားဖို.လို.။ ယေမှာ ဂျူရောင်း စာကြည့်တိုက်နားမှာဆိုလို. ရထားနဲ.ပဲလားခရေ။ ပူလိုက်တေဆိုစော်မှာ မပြောကေ့။ အေကိုရောက်ခါကပင် တခါလေ့ ရခိုင်လူအုပ်ထဲကို မလားဖူးခါ ကြောက်ပိုင် လန်.ပိုင်တော့ ဖြစ်နီရေ။

Informatic ကျောင်းထဲကို မဝင်ခင် မီးပွိုင့်မှာ လူတယောက်က လာလို.နှုတ်ဆက်ပါရေ။ မခိုင်ဝေဇံ မဟုတ်ပါလာ လတ်။ တခါလေ့ လေ့ မမြင်ဖူးပါ။ ဟုတ်ပါရေလို.။ ယေမှာ ကျွန်တော့ကို သိပါလာလတ်။ မသိပါလို. ပြောမှာ အေအမ်ပီကပါလတ်။ အော် ဓတ်ပုံ မတင်ရှိမေ။ ကိုယ်က တခါက မမြင်ဘူးပဲနဲ. သိပါလာဆိုလို. ဘဇောင်ရဖို.။ ဒိဗ္ဗစက္ခု ရနီစော်က မဟုတ်။  အော်ဟုတ်ပါယင့်ဆိုပြီးကေ နာမည်တောင် မမီးခရပါ။ မီးစိမ်းကေ ပရုံးနရုံးလမ်းကူးလို.ပြီးလာရရေ။

ရောက်စော်နဲ့ စားဖို.သောက်ဖို.လုပ်ကတ်ပါရေ။ လက်မှတ်ပြပြီးစော်နဲ. ထမင်းဘူးလာပီးပါရေ။ ဝက်သားနဲ.ခရမ်းသီးနဲ.။ မစားဖြစ်ခပါ။ အိမ်ကစားလာစော် ကောင်းဝမ်းတင်းနီလို.။ ဓါတ်ပုံတော့ရိုက်ယူခရေ။ လူတိ ဟိုနားမှာ တစု အေနားမှာ တစုနဲ. ကိုယ်မျက်နှာမြင်ဖူးရေလူတိ အများကြီး။ တချို.ကလည်း ပြုံးရုံပြုံးပြရေ။ တချို.ကလည်း ကိုယ့်ကိုချောင်းကြည့်ပြီးကေ ကိုယ်ကကြည့်ကေ မျက်နှာလွှဲလားကတ်ပါရေ။ အေအမ်ပီမှာ မြင်ဖူးစော်လူတိ (မမချေတိ အများစု) တွိကေလေ့သင့် တယောက်နဲ. တယောက်နှုတ်မဆက်ကတ်ပါ။  ရခိုင်သမတိ စိမ်းတုန်းပါသိ။ မိတ်ဖွဲ.ကို ကြောက်တုန်းပါသိ ထင်ပါယင့်။

ဓါတ်ပုံမြင်ဖူးရေလူတိ အများကြီးတွိပါရေ။ သိရေလူများနီခါ ဇာသူ.ကို နှူတ်ဆက်လို. ဆက်ရဖို.မှန်းမသိဖြစ်နီရေ။ ကိုယ်ရင်းရင်းနှီးနှီး သိရေလူ တယောက် နှစ်ယောက်လောက်နဲ. စကားပြောနီကတ်ပြီးကေ ကြည့်ဖို. အထဲကို ဝင်ကတ်ပါရေ။ ယဂေပွဲစရေမဟုတ်ပါလားယေ။ ရခိုင်သမချေက အယင်စလို. ဆီမီးခွက်ကပါရေ။ ယပြီးစော်နဲ. ဘုန်းလျှံထွက်လာပြီးကေ တေးခြင်းတပုဒ်ဆိုရေ။ ခန်းမက ကျယ်က ထိုဖက်ဒေဖက်လူထိုင်ပြီးကေ အလယ်မှာ ကချင်ဂေ ကလို.ရအောင်စီစဉ်ပီးထားပါရေ။ တယောက်လေ့ မရှိသိပါ အလယ်မှာ။ အော် မဟုတ်။ တယောက်တည်းရာရှိရေ။ လူတယောက်။ အေအမ်ပီမှာ မြင်ဖူးပိုင်တော့တွိယင့်။ တယောက်တည်းကနီရေ။  သူ.ကို ကြည့်ရစော် စင်ထက်က တေးခြင်းဆိုစော်လူထက်ပိုပြီးကေ ဈန်ဝင်နီပိုင်မြင်ပါယင့်။ ဘုန်းလျှံဆိုအပြီးမှာ ယုယုလှိုင်ထွက်လာရေ။  မီနီစကပ်အတိုချေနဲ. Fishnet Stocking ကိုဝတ်ပြီးကေပါ။ ဇိရှင်ကိုးကေ ဝတ်ပြုရေ တေးခြင်းကို စကပ်တိုချေနဲ. ပေါင်ကားပြီးကေ ဆက်ဆီကျကျ ကပြီးကေ ဆိုလားပါရေ။ အိမ်း အေတေးခြင်းချေကို ရိုးရိုးချေဆိုလို.မရလား အလူရို.။ တေးခြင်းကိုလေ့ အားနာကတ်ပါအုံးသိ။ တခါတည်း လက်လန်လားရေ။ ယေကေလေ့ ဘုန်းလျှံနဲ. ယုယုလှိုင် နှစ်ယောက်တည်းနဲ. ပွဲစည်အောင်လုပ်လားစော်ပါ။ သူရို. Showmanship နဲ. ပွဲထိန်းနိုင်မှု ကို ချီးကျူးရဖို.။

ယကေ စက္ကောမ အဖွဲ.ကိုက မသိ။ ယင်းဖက်တိနဲ. အဆက်ပြတ်လားစော်ကြာဗျယ်ဆိုခါ အသစ်ပေါ်စော်တိကို မသိလိုက်ဗျယ်။  ညဏ်မင်းသန်. နဲ.မင်းမင်း ဆိုပြီးကေအဆိုတော် ၂ယောက်ပါရေ။ ညဏ်မင်းသန်. က လေးဖြူအငယ်စားချေပိုင် အလှပချေ လို.မြင်ယင့်။ ယေကေလေ့ ဝရေ။ ခန္ဓာပြပြားပျင်လို.။ ချစ်တော့ ချစ်ကောင်းထမန်းချေဟေးလို. ယေကေလေ့ ဘော်ဒီကမလှလို. ပြောနီရေ သူငယ်ချင်းကို။ ခြသေ့င်္ဟိန်းနီပိုင်ရာ ကြားရရေ ကျန်စော် တခုလေ့နားမလည်။ အသက်ကြီးလားလို. ရှိဖို.။ ယင်းပိုင်တေးခြင်းတိကို ခံစားလို.ကောင်းမရဗျယ်။ ညဇဖက် အိမ်ရောက်မှာ သူငယ်ချင်း လှိုင်မီက အွန်လိုင်းမှာ မီးရေ ဟေး ငါ့မောင်ချေ တေးခြင်းဆိုစော်ကောင်းလာလတ်။ အသူလေ ဆိုမှာ ညဏ်မင်းသန်.ဆိုဝါ။ အဘာလေး လောကကြီးလေ့ ကောင်းအကျဉ်းချေရာမနား။

ဇာလောက်ပင်ခေတ်ပေါ်တေးခြင်းကောင်းကောင်း၊ ရိုးရာက မမကိုပြိုင်လို.မနိုင်ပါ။ စက္ကောမလေ့ မနိုင်။ တယောက်လေ့ နိုင်ဖို.မဟုတ်။ ဝင်းကိုခိုင် တေးခြင်းတိတောင်မနိုင်။ ဝင်းကိုခိုင် တောင်မနိုင်ဆိုခါမှတော့ ကျန်စော် လူတိ ထည့်လို.မစဉ်းစားကေ့ဖိ။ ရိုးရာက မမဆိုလိုက်စော်နဲ. ပရိတ်သတ်တိ ပြိုပါရေ။ ကိုယ်တောင်မှ ဝင်လို.ဆိုပခသိယင့်။ မနီနိုင်ထော။ စိမ်းညိုမှိုင်းကေ နွယ်ချိုဖိုးခေါင်ရိုးမတောင်လေ ဆိုစော်တေးခြင်းကို သတိရရေ။ တယောက်လေ့ မဆိုခကတ်။ ယင်းအဆိုတော် အခင်ဦးမောင်သိန်းလားမဆိုနိုင် အနည်းကောင်းမသိ။ သင်္ကြန်တေးခြင်းခွေတိမှာ လေ့ အားရပါးရ ကကောင်းစီကရေ အသံကလေ့ နောင်းလို.။ သူပါကေတော့ခါ ရခိုင်သားတိ ပြိုကတ်ဖို.။ ကိုယ်တောင်မှ ထလို.ကချင်ကဖို.သိ။ ဝင်းကိုခိုင်တယောက်မပါစော်ကို အဂေါင့်စိတ်မကောင်း။ စကားမစပ် ဝင်းကိုခိုင်လပျိုပါလာ။ မယားယူရေ ဘာညာမကြားလို.ပါ။ လပျိုဆိုကေ မယားလျှာ လျှောက်လွှာတင်ဖို.လားဖို.။

အဆိုတော်တိ ဆိုစော်ထက် ပရိသတ်ကြိုက်စော် အစီအစဉ်က မော်ဒယ်ရှိုးပါ။ မမချေတိ ထွက်လာကေ ယောက်ျားချေအားလုံး စင်ရှိကိုပြီးလခကတ်တေ မြင်ယင့်။ ကိုအောင်မြတ်ကျော် အနောင်ဆာလုပ်စော် ကောင်းပါရေ။ ပရိတ်သတ်ကို ပွဲစည်အောာင် အတတ်နိုင်ဆုံး ဆွဲခေါ်လားစော်ကို တွိပါရေ။  ကျန်စော်သုံးယောက်ကို တော့ မကြိုက်ပါ။ ကိုဇော်ဇော်ဝင်းရို. မော်ဒယ်ဘွိုင်းလုပ်စားလို.ရပါဗျယ်။ အရပ်နည်းနည်းရှည်ကေ ကိုထွန်းအေးကျော်သေချာပေါက် မော်ဒယ်ဖြစ်ပါရေ။ နောက် ကိုကျော်မျိုးထွန်းလားမသိ formal ဝတ်စုံနဲ.တယောက်လည်းသင့် ခန်.လို.မြင်ယင့်။ ရခိုင်ဝတ်စုံနဲ. လျှောက်တေ အခေါက်ကို တော့ သဘောမကျ။ ခေတ်ဝတ်စုံနဲ.လျှောက်ခါတော့ ကြည့်လို.ကောင်းကတ်ပါယင့်။ မမချေတိကတော့ အားလုံး အလှအပချေတိပါ။ မမချေတိထဲမှာ ရခိုင်ဝတ်စုံနဲ.လျှောက်ခါပါရေ ကလေ့မေချေ တယောက်ကို ကောင်းသတိထားမိပါရေ။  ၄ယောက်မြောက်ပါ။ ကောင်းချစ်ကောင်းထမန်းချေ။ ကျန်စော် လူတိက တယောက်ကိုလေ့ မကြည့် တိုင်းလို.လျှောက်လခရေ။ သူက ပရိတ်သတ်ဖက်ကို ကြည့်ပြီးကေ ရယ်လို.ပြုံးလို.ချေ လျှောက်လခစော် ကောင်းမျက်နှာချိုရှိရေ။ ခေတ်ဝတ်စုံနဲ.လျှောက်ခါ ဒုတိယမြောက် ကလေ့မေချေဝတ်ထားရေ Angel Inspire ဂါဝန်အဖြူချေကို သဘောကျပါယင့်။ညမချေ အေးမြတ်မွန်ကတော့ခါ Confidence အပြည့်နဲ. ဖျော်ဖြေလားပါရေ။

ကိုကျော်ဝင်းခိုင်ရို. ကိုဇော်ရီရို.ကို အပြင်မှာ ပထမဆုံးအကြိမ်တွိဖူးပါရေ။ ကိုကျော်ဝင်းခိုင်ကို အေအမ်ပီက ဓါတ်ပုံမှာမြင်ခါ အသက် ၄၀ ရှင်လောက်ထင်စော်။ ဇာဟုတ်ဖို.လေး။ အငယ်ပါသိ။ ကင်မရာမန်းလုပ်နီစော်လူကိုလေ့သင့် မြင်ဖူးပိုင်တွိရေ။ ကင်မရာကိုင်ပြီးကေ စင်ထက်တက်လိုက်၊ စင်အောက်ဆင်းလိုက် ၊ ခုံထက်ကိုတက်လိုက် နဲ.ပင် သူ.ခမျာ ရိုက်စော် ရိုက်စော်။  ကြမ်းပြင်မှာ ဖပြားသတ်တိမှောက်လို. ၊ မျက်နှာကျက်မှာ ပြောင်းပြန် ခြေထောက်တိချိတ်လို. မရိုက်စော်ကို ကျေးဇူးတင်ရဖို.။  Eligible Bachelor တိဖြစ်တေ ကျော်ဖြိုးဝေ ရို. စိုးမိုးရို.လေ့တွိခပါယင့် ဟန်ရေးတပြပြနဲ. (စစော်ရာဒေ)။

တခုတော့ ရှိပါရေ။ ပရိတ်သတ်ထဲက ရခိုင်သမထဲမှာ အလှပလှ ရှာကြည့်စော် အများမတွိပါထော။ ညီမချေ အေးအေးသော်ကတော့ ကကောင်းအလှပလှ မြင်ရေ။ ညီမချေ ဇံဇံကတော့ ကကောင်းဖော်ဖော်ရွေရွေပါ။ နှုတ်ဆက်ပြီးကေ စကားပြောနီခကတ်တေ။ သူ.ကိုတောင် မှ အိမ်သာလားခါ အိတ်တခေါက်ချေစောင့်ဖို. အကူအညီတောင်းခရပါသိရေ။ အမှန်က မော်ဒယ်ရှိုးကို သူဝင်လို.လျှောက်ရဖို.စော်။ ဒေါင်ကကောင်းနဲ.   ယလောက်ဘော်ဒီလှစော်ကို။ ကျန်စော်ရခိုင်သမတိကို တော့ခါ အသေအချာကြည့်ဖို. အချိန်မရခလို.လားမသိ။ မမြင်ခပါ။ ကိုယ်လှလို. ဝေဖန်နီစော်မဟုတ်ပါဒေ။ အမှန်ပြောစော် မကျေနပ်ကေလေ့ မတတ်နိုင်ဗျယ်။ အေဘလော့ပို.စ်တင်ပြီးကေ စီဘောက်စ်ကို ဖျက်ဖို.လားဖို.။ ဆဲဖို.စော်ကြောက်လို.။ ဇာပိုင်ပင်ပြောပြော အဂုပိုင်ပွဲတပွဲဖြစ်မြောက်အောင် လုပ်ပီးစော်ကို ကောင်းကျေးဇူးတင်ရပါဖို.။

ဓါတ်ပုံရှိစော်တိကို အယင်တင်ပီးလိုက်ပါရေ။ နောက်ကျော်ဖြိုးဝေပက ရခါမှ ထပ်လို.တင်ပါဖို.။